होमल्याण्ड खबर
२०८० जेष्ठ १९ गते, शुक्रबार ११:४४ मा प्रकाशित
सुनको भाउले लगातार तेस्रो दिन नयाँ रेकर्ड कायम गरेको छ ।
नेपाल सुन–चाँदी व्यवसायी महासंघका अनुसार शुक्रबार छापावाल सुन प्रतितोला ८ सय रुपैयाँले बढेर १ लाख १३ हजार ३०० रुपैयाँ कायम भएको छ । यसैगरी, तेजावी सुनको मूल्य तोलाको १ लाख १२ हजार ७५० रुपैयाँ निर्धारण भएको छ । यो हालसम्मकै उच्च मूल्य हो ।
यसअघि बिहीबार (जेठ १८ गते) सुनको मूल्य अहिलेसम्मकै उच्च १ लाख १२ हजार ५०० रुपैयाँ कायम भएको थियो । यसैगरी, तेजावी सुनको भाउ तोलाको १ लाख ११ हजार ९५० रुपैयाँ निर्धारण भएको थियो । शुक्रबार चाँदीको भाउ पनि तोलामा २५ रुपैयाँले बढेर १४ सय ३५ रुपैयाँ कायम भएको छ । बिहीबार चाँदीको भाउ १४ सय १० रुपैयाँ कायम रहेको थियो ।
सरकारले सुनको भन्सार दर बढाएका कारण सुनको भाउ लगातार बढिरहेको छ।