लमजुङ कारागारबाट भागेका दुवै कैदी पक्राउ

होमल्याण्ड खबर

२०८० जेष्ठ १९ गते, शुक्रबार १२:११ मा प्रकाशित

लमजुङ कारागारबाट रातारात फरार भएका दुवैजना कैदी पक्राउ परेका छन् ।

फरार मध्यका जवरजस्ती करणी मुद्दाका मध्यनेपाल नगर पालिका–४ लमजुङका २७ वर्षीय विनोद विकलाई बिहिबार करिब ९ घण्टाको अवधिमा प्रहरीले बेसीशहर नपा–२ चिसापानीको जंगलबाट पक्राउ गरेको थियो ।

अर्का फरार रहेका गोरखा चुमनुब्री गापा– ३ का चन्द्र बहादुर गुरुङलाई बिहीबार राति साढे ११ बजे बेसीशहर नपा–१ चिप्लेटीमा लुकिछिपि बसीरहेको अवस्थामा पक्राउ गरेको लमजुङका प्रहरी प्रमुख डिएसपी प्रकाश श्रीमलले बताए । गुरुङ ठगी मुद्धामा पुर्पक्षका लागी कारागार चलान भएका थिए ।
दुबैलाई कानुन अनुसार थप कारबाही अघि बढाइने प्रहरीले जनाएको छ ।

बेसीशहर नपा–८ शेरा स्थित कारागारको उत्तर पश्चिम तर्फको कैदी आवासको पर्खाल नाघेर रातको साढे १ बजे २ कैदी फरार भएका थिए । कारगारमा हाल ८८ जना कैदिबन्दी छन् । जसमध्ये ६ जना महिला र ८२ जना पुरुष छन् ।

सम्बन्धित खबर

प्रधानन्यायाधीश सिफारिसविरूद्ध सर्वोच्च अदालतमा रिट दायर

सरकारविरुद्ध सुकुम्बासीको थाल ठटाएर विरोध प्रदर्शन

राष्ट्रपति पौडेलले वैशाख २८ गते संघीय संसदका दुवै सदनको संयुक्त बैठकलाई सम्बोधन गर्ने

सुनचाँदीको मूल्य बढ्यो, कति पुग्यो ?

उपकुलपतिका लागि दरखास्त आह्वान

मन्त्रिपरिषद्को बैठक बस्दै