८ मंसिर २०८१, शनिबार
२०८० जेष्ठ २९ गते, सोमबार १०:४२ मा प्रकाशित
नेपाल एयरलाइन्सको एयरबसले पहिलोपटक मलेसियाको क्वालालम्पुरबाट भैरहवा विमानस्थलका लागि मंगलबारबाट नियमित उडान सुरू गर्दैछ।
भोलिबाट राष्ट्रिय ध्वजावाहक नेपाल एयरलाइन्सको एयरबसले कोललाम्पुरबाट उडेर भैरहवा विमानस्थलमा अवतरण हुने संस्कृति पर्यटन तथा नागरिक उड्डयनमन्त्री सुदन किरातीले जानकारी दिएका हुन्।
मन्त्री किरातीले सामाजिक सञ्जालमार्फत् भोलि आउने जहाजलाई स्वागत गर्न मन्त्री किराती आफैं विमानस्थल पुग्ने पनि जानकारी दिएका छन्।
आज काठमाडौँबाट मलेसियाका लागि उडान भर्ने उक्त एयरबस भोलि बिहान ७:४० मा भैरहवा विमानस्थलमा पहिलोपटक अवतरण गर्नेछ। त्यसपछि उक्त एयरबस काठमाडौँ आउनेछ।
परीक्षण तथा अन्य उडान गरेको भए पनि नेपाल एयरलाइन्सले क्वालालम्पुर-भैरहवा नियमित उडान मंगलबारबाट हुन लागेको हो।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
