बन्द अवस्थामा रहेका कपास तथा धागो उद्योग पुनसञ्चालनमा आउने

होमल्याण्ड खबर

२०७५ आश्विन २५ गते, बिहीबार ११:०४ मा प्रकाशित

कृषि तथा पशुपक्षीमन्त्री चक्रपाणि खनालले बन्द अवस्थामा रहेका कपास तथा धागो उद्योग सञ्चालनका लागि मन्त्रालयले पहल थालेको बताएका छन् ।

चाडपर्वका अवसरमा यहाँ आयोजित चियापान तथा शुभकामना आदानप्रदान कार्यक्रममा उनले ती उद्योग खुलाउने विषयमा उद्योग मन्त्रालयसँग पहल थालिएको जानकारी दिए ।

मन्त्री खनालले दुई मन्त्रालय मिलेर एउटा समूह नै निर्माण गरी बन्द उद्योग सञ्चालनका लागि आवश्यक काम शुरु गरिएको बताउँदै महङ्गो भए पनि नेपालमै उत्पादित कपडा पहिलो चरणमा सरकारी कर्मचारी र सुरक्षा निकायबाट प्रयोगमा ल्याइनेछ भने ।

बाँके जिल्लामा रहेको कपास उद्योगलाई राष्ट्रिय कपास समितिका रुपमा विकास गर्ने योजना रहेको बताउँदै उनले यस्ता उद्योग सञ्चालन गर्नसके धेरै युवाले रोजगार पाउने र मुलुकको अर्थतन्त्रमासमेत टेवा पुग्ने विचार व्यक्त गरे ।
मन्त्री खनालले वीरगञ्जको कृषि औजार कारखानासमेत सञ्चालनको पहल थालिएको पनि बताए ।

सम्बन्धित खबर

प्रतिनिधिसभाका सचिव अधिकारीले ५ महिना नपुग्दै दिए राजीनामा

सिनामंगलको होटलमा युवायुवती झुण्डिएको अवस्थामा मृत भेटिए

रवि लामिछानेलाई अदालत उपस्थित गराइयो

कमजोरी सच्याउन एमाले तयार छ : शङ्कर पोखरेल

भद्रकालीबाट सुुरु भयो एमालेको र्‍याली

सुदूरपश्चिममा लगानी गर्नुहोस्, हामी पूर्वाधारको व्यवस्था गरिदिन्छौं : मुख्यमन्त्री शाह