२ चैत्र २०८२, सोमबार
२०८० असार ४ गते, सोमबार १५:१९ मा प्रकाशित
जनमत पार्टीका अध्यक्ष डा.चन्द्रकान्त राउतले सांसदहरूको मागअनुसार संशोधन नभए बजेट पास हुन नदिने बताएका छन् ।
सोमवार प्रतिनिधि सभा अन्तरर्गतको पूर्वाधार विकास समितिको बैठकमा बोल्दै अध्यक्ष डा.राउतले सांसदका मागहरू सम्बोधन हुनेगरी बजेट सशोधन नभए सत्तापक्षका सांसदहरूले नै बजेट पास हुन दिन नहुने बताएका हुन् ।
उनले पूर्वाधार विकास समितिले सुझावसहित बजेट संशोधनको प्रस्ताव लैजान माग गरे ।
एक जना मन्त्रीले मात्रै बजेट बनाउने भए २७५ सांसदहरूको आवश्यकता नभएको भन्दै निर्वाचित सांसदहरूको कुरा सरकारले सुन्नुपर्ने उनको भनाइ छ ।
‘समितिले सुझावसहित बजेट संशोधनको प्रस्ताव लैजानुपर्छ । कार्यान्वयन होला नहोला छुट्टै कुरा छ । मन्त्री पद सदावहार शासक होइन । मन्त्री बन्दैमा अहंकार देखाउनुपर्छ भन्ने पनि होइन । एक जनाले बजेट निर्माण गर्ने भए यति धेरै सांसदहरू किन आवश्यक पर्ने थियो,उनले भने, विभिन्न क्षेत्रबाट जनप्रतिनिधि निर्वाचित भएर आएका छौं । मन्त्रालयले सांसदहरूको कुरा सुनिदिनुपर्छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
