देउवालाई जानकारी गराएरै भेला गरेका हौं : विश्वप्रकाश शर्मा

होमल्याण्ड खबर

२०८० असार २२ गते, शुक्रबार १६:०३ मा प्रकाशित

नेपाली कांग्रेसका महामन्त्री विश्वप्रकाश शर्माले सभापति शेरबहादुर देउवालाई जानकारी गराएरै जिल्ला सभापतिहरुको भेला गरिएको बताएका छन् । पार्टी केन्द्रीय कार्यलयमा शुक्रबार महामन्त्री शर्माले विधानअनुसार नै भेला बोलाइएको बताए ।

‘महामन्त्रीहरुले नबोलाउँदा किन नगर्ने भनियो अहिले विधानले दिएको व्यवस्था अनुसार बोलाउन किन बोलाएको भनिँदैछ,’ शर्माले भने, ‘जिल्ला सभापतिहरुको भेला पार्टी सभापतिलाई जानकारी नदिइकन गरियो भन्ने कुरा बेकारको कुरा हो । सभापतिलाई थाहा नभइकन यस प्रकारको भेला भएको होइन ।’

यस्तै विगतमा भएको भेला भन्दा अहिलेको भेला फरक भएको पनि उनले बताएका थिए ।

‘सभापतिसँग कतिपय विषयमा फरक मत हुँदै गर्दा विगतको प्रचलन भनेको होटलमा भेला गर्ने र सभापतिको विरुद्ध एक प्रकारको धारणाहरु सार्वजनिक गर्ने हुने गरेको थियो,’ शर्माले भने ‘अहिले सभापतिहरुको भेला केन्द्रीय कार्यालयमा भइरहेको छ र पार्टीको क्रियाशील सदस्यहरुलाई कसरी व्यवस्थित बनाउने, सबै तहको सम्मेलनहरु गरेर जाने भन्ने विषयमा कुरा भएको छ । यसमा कसैले पनि आशंका गर्नु पर्दैन ।’

भेला क्रियाशील सदस्यता र त्यसलाई कसरी प्रविधिमैत्री बनाउने र कहिले कहिले अधिवेशनहरु गर्ने भन्ने विषयमा केन्द्रित रहेको पनि महामन्त्री शर्माले बताए ।

‘यस भेलामा क्रियाशील सदस्य र पार्टी संगठकको सम्मेलनको विषयमा छलफल भएको छ,’ महामन्त्री शर्माले भने, ‘जिल्ला सभापतिहरुले पनि कुन कुन काम कसरी कसरी लिएर कार्यकर्तामा जाने भन्ने विषयमा साझा ढंगको प्रतिवद्धता ल्याउँदै हुनुहुन्छ ।’

सम्बन्धित खबर

राप्रपाको कार्यसम्पादन समिति बैठक सुरु

चुनावी हारको कारण खोज्न कांग्रेसको देशव्यापी समीक्षा

रवि लामिछानेको मुद्दा फिर्ताविरुद्धको रिट न्यायाधीश सुवेदी र पोखरेलको इजलासमा

ओली निवास पुगेर माधव नेपालले दिए समवेदना

सुनचाँदीको मूल्य घट्यो

गोरखा माइक्रोबस दुर्घटना : सात जना भारतीयको मृत्यु