८ मंसिर २०८१, शनिबार
२०८० श्रावण ३२ गते, बिहीबार ११:५७ मा प्रकाशित
वाणिज्य बैंकहरुले भदौ महिनाका लागि नयाँ ब्याजदर प्रकाशित गरेका छन् ।
बिहीबार प्रकाशित नयाँ ब्याज दरमा केही बैंकहरुले ब्याज बढाउँदा केहीले स्थिर राखेका छन् भने केही बैंकले ब्याज घटाएका छन् । ब्याजदर बढाउने बैंकहरुको व्यतिगत मुद्धती खातामा अधिकतम १० दशमलव ८९ प्रतिशत ब्याज दिने भएका छन् ।
तर, यस्तो ब्याज एक वर्ष भन्दा माथिको मुद्धती खातामा मात्रै पाइने छ । कुमारी, ग्लोबल आइएमई, कृषि विकास बैंक, राष्ट्रिय बाणिज्य बैंक, नेपाल बैंक, एभरेष्ट, सिटिजन्स, सानिमा, माछापुच्छरे र प्रभु बैंकहरुले ब्याजदर बढाएका हुन् ।
यी बैंकहरुले संस्थागत मुद्धती खातामा भने अधिकतम ८ दशमलव ८९ प्रतिशतका दरले ब्याज दिने छन् । गत महिना ब्याजदर बढाएका बैंकहरुले भने भदौका लागि ब्याजदर घटाएका छन् । ब्याजदर घटाउने बैंकहरुमा एनएमबि, प्राइम कमर्सियल, स्ट्याण्डर्ड चार्टर्ड र एनआईसी एशिया रहेका छन् ।
स्ट्याण्डर्ड चार्टर्ड बैंकले ९१ दिनको मुद्दतीमा ७.२९ प्रतिशत ब्याजदर दिने बताएको छ। त्यसैगरी एनएमबी बैंकले ६ महिनाभन्दा कम अवधिको निक्षेपमा ८.१० प्रतिशत दिँदैछ। एनएमबी, प्राइम कमर्सियल, स्ट्याण्डर्ड चार्टर्ड, एनआईसी एसिया लगायत बैंकले भने साउनको तुलनामा ब्याजदर घटाएका पनि छन्।
सबैभन्दा कम ब्याजदर भने स्ट्याण्डर्ड चार्टर्ड बैंकको छ। सो बैंकको मुद्दती निक्षेपमा अधिकतम ८.९२ प्रतिशत ब्याजदर छ। संस्थागततर्फ उसले ६.९२ प्रतिशतका दरले ब्याज दिनेछ। नबिल, एसबीआई र हिमालयन बैंकले ब्याजदर स्थिर राखेका छन्।
विकास बैंकहरुले भने भदौमा पनि कार्टेलिङलाई निरन्तरता दिएका छन्। राष्ट्रियस्तरका विकास बैंकले ब्याजदर बढाउँदै कार्टेलिङलाई निरन्तरता दिएका हुन्। उनीहरुले व्यक्तिगत निक्षेपको ब्याजदर ११.१५ र संस्थागततर्फको निक्षेपको ब्याजदर ९.१५ प्रतिशत पुर्याएका छन्। राष्ट्रियस्तरका विकास बैंकमा साउनमा व्यक्तिगत निक्षेपमा १०.१० र संस्थागत निक्षेपमा ८.१० प्रतिशत ब्याजदर थियो।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
