८ मंसिर २०८१, शनिबार
२०७४ मंसिर ४ गते, सोमबार ११:४२ मा प्रकाशित
चौधरी ग्रुप (सीजी) ले कर दिवसका अवसरमा संस्थागत घरानाका तर्फबाट राज्यलाई तिरिने राजस्व छुटेको बताएको छ ।
सीजीले अधिक कर बुझाउने व्यक्तिका रुपमा सम्मानित करदाताहरुलाई बधाई ज्ञापन गर्दै राज्यद्वारा यसरी गरिने वर्गीकरण र सम्मानले करदातालाई राष्ट्रिय अर्थतन्त्रमा सघाउन र विकास प्रक्रियामा योगदान दिनका लागि उत्प्रेरित गर्ने उल्लेख गरेको छ ।
समूहले आर्थिक वर्ष २०७२/७३ मा राजस्वमार्फत् राज्यलाई कुल ५५९.९७ करोड योगदान गरेको प्रेश विज्ञप्तिमार्फत जानकारी दिएको छ । उक्त आर्थिक वर्षमा संकलन गरेको कुल राजश्वको १.४८ प्रतिशत हुने समूहको दावी छ ।
आर्थिक वर्ष २०७३/७४ मा सिजीले ७८८ करोड राजश्व योगदान गरेको पनि जनाएको छ । जुन, राजश्व अघिल्लो
वर्षको
तुलनामा ४० प्रतिशतले बढी हो ।
‘यो रकम आर्थिक वर्षमा संकलित कुल राजस्वको १.५९ प्रतिशत हो । राज्य कोषमा चौधरी ग्रुपका तर्फबाट गरिएको यो योगदान अघिल्लो वर्षको तुलनामा १०.७४ प्रतिशतले बढी हो,’ विज्ञप्तिमा भनिएको छ ।
चौधरी ग्रुपका शेयरधनीहरुले लाभांश लिनुअघि कम्पनीले नै ऐन अनुसार राजस्व तिर्ने र राजस्व तिरिसकेपछि मात्र लाभांश प्राप्त गर्ने हुनाले सेयरधनीहरुले राजस्व तिरेपनि व्यक्तिगत करको रुपमा प्रतिविम्वित नहुने गरेको बताएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
