५ मंसिर २०८१, बुधबार
२०८० आश्विन ५ गते, शुक्रबार १४:४६ मा प्रकाशित
काठमाडौं । नेपाली कांग्रेसले विद्यालय शिक्षा विधेयकका सन्दर्भमा छलफल गर्न सांसदहरुको बैठक बोलाएको छ । विद्यालय शिक्षा विधेयकमा छलफल गर्न कांग्रेसले असोज ८ र ९ गते सांसदहरुलाई संसद भवन नयाँ वानेश्वरस्थित लोत्सेहलमा बैठक बोलाएको हो ।
उक्त विधेयकविरुद्ध शिक्षकहरुले देशभरका सरकारी विद्यालय बन्द गरेर काठमाडौं केन्द्रीत आन्दोलन चर्काएका छन् । कांग्रेसका प्रमुख सचेतक रमेश लेखकका अनुसार सो विधेयकबारे पार्टीको एकीकृत धारणा बनाएर अगाडि बढ्न केन्द्रिय सदस्यहरुसहितको बैठक बोलाइएको हो ।
शिक्षा विधेयक २०८० शिक्षा, विज्ञान तथा प्रविधि मन्त्री अशोक कुमार राईले गत भदौ २७ गते प्रतिनिधि सभामा दर्ता गरेका थिए । प्रस्तावित विधेयकमा असन्तुष्ट शिक्षकहरु आन्दोलनमा छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
