सरकार सबै प्रकारका हिंसा र शोषणको अन्त्य र प्रकोपमा जीउधनको सुरक्षामा संवेदनशील छ: प्रधानमन्त्री प्रचण्ड

होमल्याण्ड खबर

२०८० आश्विन २६ गते, शुक्रबार १४:५८ मा प्रकाशित

प्रधानमन्त्री पुष्पकमल दाहाल प्रचण्डले सबै प्रकारका हिंसा र शोषणको अन्त्य र प्रकोपमा जीउधनको सुरक्षामा सरकार संवेदनशील रहेको बताएका छन् ।

शुक्रबार राष्ट्रिय सभामा अपाङ्गता भएका व्यक्तिको अधिकार कार्यान्वयनसम्बन्धी संकल्प प्रस्तावमाथिको छलफलमा उठेका प्रश्नहरुको जवाफ दिँदै उनले यस्तो बताएका हुन् । अपाङ्गता भएका व्यक्तिको अधिकारसँग सम्बन्धित रहेर संविधान र कानुनमा विभिन्न व्यवस्थाहरु गरिएको उल्लेख गर्दै उनले कार्यान्वयनमा सरकार संवेदनशील र गम्भीर रहेको दोहोर्‍याएका छन् । यसका लागि छुट्टै प्रतिष्ठान वा आयोग गठन गर्न पनि सरकार सकारात्मक रहको उनले बताए ।

प्रधानमन्त्री पुष्पकमल प्रचण्डले खेलकुद लगायत सबै पूर्वाधार अपाङ्गमैत्री बनाइने सरकारको नीति रहेको बताए । ‘आगामी दिनमा हुने पारा ‌ओलाम्पिकमा सहभागी हुने खेलाडीहरूलाई तालिम र प्रशिक्षणको व्यवस्थालाई थप प्रभावकारी बनाउँदै लगिनेछ । साथै, उचित र पर्याप्त खेल सामग्रीहरूको व्यवस्थाका लागि अनुदान उपलब्ध गराउने कार्यक्रमलाई सरकारले उच्च प्राथमिकतामा राखेको पनि यस सम्मानित सदनलाई जानकारी गराउन चाहन्छु ।’

उनले प्राकृतिक प्रकोप, राहत, विपत, पुनर्स्थापना र पुनर्लाभका कार्यक्रममा अपांगता भएका व्यक्तिलाई सरकारले विशेष प्राथमिकतामा राखेको स्पष्ट बताए ।

सम्बन्धित खबर

ऊर्जामन्त्री खड्का र विश्व खाद्य संगठनका प्रतिनिधिबीच भेटवार्ता

दुर्गा प्रसाईं भक्तपुरबाट पक्राउ

स्थानीय तह उपनिर्वाचन : उम्मेदवारको नामावली प्रकाशन आज

प्रधानमन्त्रीद्वारा पूर्वसभामुख ढुङ्गानाप्रति श्रद्धाञ्जलि अर्पण

मुख्यसचिव अर्यालले दिए राजीनामा

भ्रष्टाचारमा सफाइ पाएपछि योजना आयोगमा हाजिर भए वैकुण्ठ अर्याल