एनआरएनएलाई राष्ट्रपतिको आग्रह- नेपालमा लगानीको अपार सम्भावना छ, सदुपयोग गर्नुहोस्

होमल्याण्ड खबर

२०८० आश्विन ३० गते, मंगलवार १२:५९ मा प्रकाशित

 राष्ट्रपति रामचन्द्र पौडेलले गैरआवासीय नेपालीलाई नेपालमा लगानीको अपार सम्भावनाको सदुपयोग गर्न आग्रह गरेका छन्। मंगलबार ११औं गैरआवासीय नेपाली विश्वसम्मेलनको उद्घाटन समारोहमा प्रमुख अतिथिको रूपमा मन्तव्य दिँदै पौडेलले आफूहरू बसोबास गरेको मुलुकमा रहेका लगानीकर्ताहरूलाई समेत नेपालमा लगानीको लागि अभिप्रेरित गर्न आग्रह गरे।

‘नेपालको आन्तरिक क्षमतामा वृद्धि गरी तीव्र आर्थिक विकास गर्न सके मात्र विदेशमा बस्ने नेपालीहरूको शिर पनि उँचो हुनेछ,’ उनले भने, ‘नेपाल समृद्ध नहुँदासम्म नेपालीहरूको प्रतिष्ठा बढ्न सक्तैन।’

उनले नेपाललाई सुशासन. विकास र समृद्धितर्फ लैजान तथा देशको अन्तर्राष्ट्रिय जगतमा प्रतिष्ठा बढाउन गैरआवासीय नेपालहरूको रणनीतिक भूमिका र दायित्व वाञ्छनीय रहेको बताए।

राष्ट्रपति पौडेलले गैरआवासीय नेपालीप्रति नेपाल सरकारले विभिन्न नीतिगत तथा कानुनी व्यवस्थाहरूको तर्जुमा गरेको स्मरण गराए। ‘हालैको नागरिकता विधेयक त्यसमध्येको एक हो,’ उनले भने, ‘नेपालको संविधानले गैरआवासीय नेपालीहरूलाई आर्थिक, सामाजिक र सांस्कृतिक अधिकार उपभोग गर्न पाउने गरी नेपाली नागरिकता दिने व्यवस्था गरेबाट तपाईंहरूलाई नेपालसँग थप नजिक ल्याउन मद्दत पुग्नेछ भन्ने मेरो विश्वास छ।’

सम्बन्धित खबर

ऊर्जामन्त्री खड्का र विश्व खाद्य संगठनका प्रतिनिधिबीच भेटवार्ता

दुर्गा प्रसाईं भक्तपुरबाट पक्राउ

स्थानीय तह उपनिर्वाचन : उम्मेदवारको नामावली प्रकाशन आज

प्रधानमन्त्रीद्वारा पूर्वसभामुख ढुङ्गानाप्रति श्रद्धाञ्जलि अर्पण

मुख्यसचिव अर्यालले दिए राजीनामा

भ्रष्टाचारमा सफाइ पाएपछि योजना आयोगमा हाजिर भए वैकुण्ठ अर्याल