आफन्तले बुझे भूकम्पमा परी मृत्यु भएकामध्ये १२० जनाको शव

होमल्याण्ड खबर

२०८० कार्तिक १९ गते, आईतवार १०:४१ मा प्रकाशित

 शुक्रबार राति जाजरकाेट केन्द्रविन्दु भएर गएकाे भूकम्पमा परी मृत्यु भएकामध्ये १२० जनाको शव आफन्तले बुझेका छन्। प्रहरीले आइतबार बिहान दिएको तथ्याङ्क अनुसार रुकुम पश्चिमका ५२ शव र जाजरकोटका ६८ शवहरु आफन्तले बुझिसकेका हुन्।

रुकुम पश्चिममा ५२ जनाको मृत्यु भएको सबै शवहरु आफन्तले बुझेका छन् भने जाजरकोटमा मृत्यु भएका १०५ जनामध्ये ६८ जनाको शव आफन्तले बुझेको प्रहरीले जनाएको छ। अझै ३७ शव आफन्तले बुझ्न बाँकी छ । यस्तै शुक्रबार राति ११ः४७ बजे जाजरकोटको रामीडाँडा केन्द्रबिन्दु बनाएर गएको ६.४ म्याग्नेच्युडको भूकम्पले जाजरकोटमा १०५ जनाको मृत्यु भएको थियो भने १०६ जना घाइते भएका छन् ।

यसैगरी रुकुम पश्चिममा ५२ जनाको मृत्यु भएकोमा १३२ जना घाइते छन्। घाइतेको विभिन्न जिल्लाका अस्पतालहरुमा उपचार जारी छ।

सम्बन्धित खबर

दीपक भट्ट र सुलभ अग्रवाल अझै १२ दिन हिरासतमा रहने

प्रतिबन्धित लागूऔषधसहित पर्सामा एक जना पक्राउ

तमिलनाडुमा सरकार गठन : कांग्रेसद्वारा विजय नेतृत्वको टिभिकेलाई समर्थन

व्यवसायी शेखर गोल्छा रिहा

अर्थमन्त्री र भौतिक पूर्वाधार मन्त्रीसँग पूर्वबजेट छलफल गर्दै रास्वपा सांसद

सुनचाँदीको मूल्य वृद्धि