९ मंसिर २०८१, आईतवार
२०७५ कार्तिक २५ गते, आईतवार ११:०४ मा प्रकाशित
सन् २०२० मा जापानको टोकियोमा हुने ओलम्पिक खेलकुदको महिला फुटबल अन्तर्गत एएफसी छनोट प्रतियोगिताको प्रारम्भिक चरणमा आइतबार नेपाली राष्ट्रिय महिला फुटबल टोलीले आयोजक म्यानमारको सामना गर्दैछ ।
खेल साँझ ५ः१५ बजे सुरु हुँदैछ । नेपालले बिहीबार भएको पहिलो खेलमा भारतविरुद्ध १–१ को बराबरी खेलेको थियो । यो नेपालको भारतविरुद्ध अहिलेसम्मकै उत्कृष्ट नतिजा पनि हो ।
नेपालको लागि कप्तान निरु थापाले ११ औं मिनेटमा गोल गर्दै अग्रता दिलाएकी थिइन् । तर कमल देवीले ३७ औं मिनेटमा बराबरी गोल फर्काएपछि नेपाल अंक बाँड्न बाध्य भयो ।
नेपालले छनोट सम्भावना कायम राख्न म्यानमारविरुद्ध कम्तिमा पनि अंक जोड्नु पर्नेछ । यो खेलमा पराजित भएको खण्डमा नेपालको छनोट हुने सम्भावना गणितीय रुपमा मात्र रहने छ ।
म्यानमारले पहिलो खेलमा बंगलादेशलाई ५–० ले पराजित गरेको थियो । अंक तालिकाको शीर्ष स्थानमा रहेको म्यानमार प्राविधिक रुपमा नेपालभन्दा राम्रो टोली हो । अंक तालिकामा नेपाल भारतभन्दा माथि दोस्रो स्थानमा छ ।
नेपाल सम्मिलित समूह ‘सी’ मा म्यानमार, भारत र बंगलादेश छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
