८ मंसिर २०८१, शनिबार
२०७५ कार्तिक २५ गते, आईतवार १२:४४ मा प्रकाशित
सामसुङले विश्वको पहिलो पट्याउन मिल्ने स्मार्टफोन सार्वजनिक गरेको छ । अमेरिकाको सन्फ्रान्सिस्कोमा कम्पनीले यो स्मार्टफोन सार्वजनिक गरेको हो ।
सामसुङले अहिले अघि सारेको स्मार्टफोन खोल्दा ७.३ इन्चको ट्याबलेट स्क्रिन रहेको छ । यसलाई बन्द गर्दा भने सानो आकारमामा पनि चलाउन सकिन्छ । कम्पनीले अबको केही महिनामा नै यसको उत्पादन सुरु गरिने बताएको छ ।
पाँच वर्षअघिदेखि हुवावे र सामसुङको बीचमा यस किसिमको स्मार्टफोन कसले पहिला ल्याउने विषयमा प्रतिस्पर्धा चल्दै आएको थियो । यद्यपि एक साताअघि यसै किसिमको अर्को स्मार्टफोन पनि सार्वजनिक भएको थियो ।
२०१८ को तेस्रो त्रैमासमा सामसुङको स्मार्टफोनको व्यापारमा अघिल्लो वर्षको तुलनामा १३.४ प्रतिशतको गिरावट आएको अनुमान गरिएको छ । पछिल्लो १२ महिनामा सामसुङको स्मार्टफोनको बजारको हिस्सा २२.१ प्रतिशतबाट झरेर २०.३ मा पुगेको छ ।
अहिले सार्वजनिक गरिएको स्मार्टफोनले कम्पनीको सुस्ताएको व्यापारलाई पुनः सही दिशामा ल्याउनका लागि सहयोग पुग्ने विश्लेषकहरुले बताएका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
