४ मंसिर २०८१, मंगलवार
२०८० पुष २२ गते, आईतवार १६:२४ मा प्रकाशित
नेपाली कांग्रेसका शेखर कोइराला–गगन थापा समूह आन्तरिक रणनीति बनाउन छलफलमा जुटेको छ । आइतबार बिहान सभापति शेरबहादुर देउवासँग छलफलपछि शेखर–गगन समूह आन्तरिक छलफलमाा जुटेको हो ।
छलफलमा नेता शेखर कोइराला, उपसभापति धनराज गुरुङ, महामन्त्री गगन थापा, सहमहामन्त्री द्वय बद्री पाण्डे र जीवन परियार, नेताहरू अर्जुननरसिंह केसी र बलबहादुर केसी सहभागी छन् ।
शेखर–गगन निकट एक नेताका अनुसार देउवासँग छलफलमा सङ्ख्या, मापदण्ड, योगदान लगायतका विषयमा कुराकानी भएको थियो ।
पार्टीले मापदण्ड सभापति देउवा नमान्ने सङ्केत देखाएपछि नेता कोइराला र महामन्त्री थापाले असन्तुष्टि जनाएका थिए । शेखर– गगनले पार्टी भित्रको भागबन्डामा सम्मानजनक हिस्सेदारी हुनुपर्ने अडान राखेका थिए । उनीहरूले आफ्नो समूहले १० सिट मध्ये ४ सिट पाउनुपर्ने माग गरेका थिए ।
सभापति देउवाले सभापति देउवा दुई सिट मात्र दिने प्रस्ताव उनीहरूले अस्वीकार गरेको बुझिएको छ । नेताहरू आन्तरिक छलफलमा जुटेपछि कांग्रेसको केन्द्रीय कार्यसम्पादन समिति बैठक ४ बजेका लागि सारेको छ । कांग्रेसका दुवै पक्ष आन्तरिक छलफलमा रहेकाले चार बजे पनि बैठक बस्ने सम्भावना देखिएको छैन ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
