६ चैत्र २०८२, शुक्रबार
२०८० माघ ५ गते, शुक्रबार १४:४७ मा प्रकाशित
बक्सिङ खेलाडी नीता गोसाईंलाई आत्महत्या गर्न बाध्य पारेको आरोपमा प्रहरीबाट पक्राउ परेका युवक भक्तपुर नगरपालिका–९ घर भएका दिनेश लबजु भएको खुलेको छ ।
३० वर्षीय लबजुलाई बुधवार पक्राउ गरिएको जिल्ला प्रहरी परिसर भक्तपुरका डिएसपी वसन्त पाठकले जानकारी दिए ।
सशस्त्रको जवान पदमा कार्यरत नीता माघ २ मा भक्तपुर नगरपालिका–८ स्थित घरमा मृत अवस्थामा भेटिएकी थिइन् । उनी झुन्डिएको अवस्थामा देखेपछि परिवारले प्रहरीलाई खबर गरेका हुन् ।
गोसाईंलाई दिनेश लबजुले आत्महत्या दुरुत्साहन गरेको आरोप छ । आरोपी विरुद्ध प्रहरी वृत्त जगातीले आत्महत्या दुरुत्साहन मुद्दामा म्याद लिएर अनुसन्धान गरिरहेको छ ।
डिएसपी पाठकले लबजु र निताको सम्बन्धबारे खुलाउन नमिल्ने बताए । उनले भने– ‘अनुसन्धानको विषय भएको हुनाले कसरी दुरुत्साहन भयो भन्नेबारे भन्न मिल्दैन ।’
निता ६ वर्षअघि सशस्त्रमा भर्ना भएकी थिइन् । नवौँ राष्ट्रिय खेलकुदमा उनले ५४ केजी तौल समूहमा रजत पदक जित्न सफल भएकी हुन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
