३ मंसिर २०८१, सोमबार
२०८० माघ २२ गते, सोमबार १२:३१ मा प्रकाशित
नेकपा (एमाले) धादिङको नवौं जिल्ला अधिवेशन भोलि (मंगलबार) बाट सुरु हुने भएको छ।
आइतबार दुई गुटका नेता कार्यकर्ताहरुबीच कुटाकुट हुँदा स्थगित भएको अधिवेशन मंगलबार बिहान सुरु गर्न लागिएको हो ।
बालकोटमा अध्यक्ष केपी शर्मा ओलीसँग भएको छलफलमा मंगलबार बिहानबाट पुनः अधिवेशनको कार्यक्रम सुरु गरिने सहमती भएको छ । एमाले धादिङका अध्यक्ष भूमि त्रिपाठीका अनुसार पार्टीलाई अनुशासित बनाएर अधिवेशन सौहार्दपूर्ण ढंगले भोलि (मंगलबार) बिहानबाट सुरु जनाइएकाे छ ।
यही माघ १९ गते महासचिव शंकर पोखरेलले उद्घाटन गरेको अधिवेशनमा प्रतिनिधि छनोट र अध्यक्षमण्डलका विषयमा विवाद भएको थियो । कुटपिटको समेत अवस्था सिर्जना भएपछि प्रदेश अध्यक्ष ढुंगेलले अधिवेशन स्थगित गरेका थिए । जिल्ला अध्यक्ष त्रिपाठीले भने बन्दसत्र अघि बढाउने तयारी गरेका थिए । तर, अन्योलपछि बिहान ८ बजेसम्मका निम्ति बैठक स्थगित गरेर नेताहरू काठमाडौं आएका थिए ।
धादिङमा भएको कुटाकुटको विषय बालकोटसम्म पुगेपछि एमाले अध्यक्ष केपी शर्मा ओलीले अधिवेशन स्थगित गर्न निर्देशन दिएर बैठकका लागि नेताहरुलाई बालकोट बोलाएका थिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
