३ मंसिर २०८१, सोमबार
२०८० माघ २९ गते, सोमबार १२:२८ मा प्रकाशित
नेकपा (माओवादी केन्द्र)को केन्द्रीय समिति बैठक सुरू भएको छ । राष्ट्रिय सभागृह भृकुटी मण्डपमा बसेको बैठकमा केही पदाधिकारीहरूले भनाइ राखेपछि अध्यक्ष पुष्पकमल दाहाल प्रचण्डले विशेष रूपान्तरण अभियानमा इन्चार्जहरूले पेस गरेको समिक्षात्मक रिपोर्टमाथि उठेका प्रश्नको जवाफ दिने कार्यसूची रहेको छ ।
आइतबार बसेको बैठकमा १० प्रदेशका इन्चार्ज, अध्यक्ष र केन्द्रीय निकायका प्रमुखहरूले रिपोर्टिङ गरेका थिए । आजको बैठकमा अध्यक्ष प्रचण्डले समसामयिक राजनीति, अन्तर्राष्ट्रिय परिस्थिति लगायत विषयमा ब्रिफिङ गराउने केन्द्रीय सदस्य हिमाल शर्माले जानकारी दिए ।
स्थायी समितिले गरेको निर्णय तथा विधान अधिवेशनमा पेस गर्ने एजेण्डा अनुमोदन गरी बैठक समापन हुने शर्माले बताए । केन्द्रीय समिति बैठकअघि माओवादीको पदाधिकारी बैठक बसेको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
