३ मंसिर २०८१, सोमबार
२०८० फाल्गुन १ गते, मंगलवार १५:४१ मा प्रकाशित
मेडिकल व्यवसायी तथा ‘राष्ट्र बचाउ महाअभियान’का अभियन्ता दुर्गा प्रसाईँको कार्यक्रममा सहभागि हुन विभिन्न स्थानबाट मानिसहरू भृकुटीमण्डप पुगेका छन् ।
सयौँ संख्यामा मानिसहरू रातो झण्डा बोकी र्याली सहित भृकुटीमण्डप पुगेका हुन् । उक्त कार्यक्रम फागुन १ गते टुँडिखेलमा गर्ने भनिएपनि अनुमति नपाएपछि भृकुटीमण्डपमा गर्न लागेको हो । प्रसाईंले लघुवित्त, सहकारी र बैंकबाट पीडितहरुको ऋण मिनाहा लगायतका माग राखेर काठमाडौंमा विरोध प्रदर्शन गर्न लागेका हुन् ।
अभियानले सहभागीलाई भृकुटीमण्डपसम्म पुग्नका लागि ७ वटा रुट तय गरेको थियो । ती सातवटै रुटका लागि नेतृत्व र व्यवस्थापन गर्न अलगअलग टोली खटाइएको थियो । एउटा टोली नारायणगोपाल चोकबाट नाराजुलुससहित लाजिम्पाट हुँदै भृकुटीमण्डप पुग्नेछ ।
अन्य टोलीहरू क्रमशः चाबहिल, कोटेश्वर–बानेश्वर, लगनखेल, बल्खु, कलंकी, कीर्तिपुर, बालाजु–नयाँ बसपार्कमा भेला भएर कार्यक्रमस्थल पुग्ने योजना बनाइएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
