३ मंसिर २०८१, सोमबार
२०८० फाल्गुन १८ गते, शुक्रबार १३:३६ मा प्रकाशित
नेपाली कांग्रेसका सभापति शेरबहादुर देउवाले अहिलेको सत्ता गठबन्धन कायमै रहने बताएका छन्।
भरतपुर विमानस्थलमा आज सञ्चारकर्मीसँग कुराकानी गर्दै सभापति देउवाले राष्ट्रिय सभाको अध्यक्षको निर्वाचनमा पनि यही गठबन्धन रहने बताए।
बिहीवार भरतपुर विमानस्थलमा प्रधानमन्त्री पुष्पकमल दाहालले कांग्रेसको आलोचना गरेपछि त्यसको भोलिपल्ट आज जवाफ दिँदै देउवाले फरक पार्टी भएकाले आलोचना गर्न छुट भएको बताए।
‘प्रचण्डले पनि अरु पार्टीको आलोचना गर्न पाउनुहुन्छ। हामीले पनि गछौँ’ सञ्चारकर्मीको प्रश्नको उत्तर दिँदै देउवाले भने, ‘गठबन्धन केही हुँदैन।’
देउवाले राष्ट्रिय सभाको अध्यक्षको उमेद्वारमा नेपाली कांग्रेसको तर्फबाट कृष्णप्रसाद सिटौलाको नै उमेद्वारी रहने बताए।
उनले अर्को निर्वाचनसम्म यो गठबन्धन रहने समेत बताए। नेकपा (माओवादी केन्द्र)ले राष्ट्रिय सभा अध्यक्षको उमेद्वारका लागि सहयोग गर्न एमालेलाई अनुरोध गरेको छ भन्ने पत्रकारको प्रश्नमा देउवाले यस विषयमा आफूलाई जानकारी नभएको बताए।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
