२ मंसिर २०८१, आईतवार
२०८० चैत्र २२ गते, बिहीबार १६:५७ मा प्रकाशित
नेपाली कांग्रेसले उपनिर्वाचनका लागि उमेदवार टुंगो लगाएको छ । आज बसेको बोर्ड बैठकले इलाम क्षेत्र नम्बर २ मा डम्बर खड्का र बझाङ १ (क) मा अभिषेक सिंहलाई उमेदवार बनाउने निर्णय गरेको छ ।
खड्का पार्टी सभापति शेरबहादुर देउवानिकट मानिन्छन् । आगामी वैशाख १५ गते यी दुई क्षेत्रमा उपनिर्वाचन हुँदै छ ।
संसदीय बोर्ड बैठकले खड्का र सिंहलाई उमेदवार बनाउने निर्णय गरेको हो । बैठकमा सहभागी एक पदाधिकारीका अनुसार बोर्डले खड्कालाई टिकट दिने निर्णय गर्दै कार्य सम्पादन समितिलाई सिफारिस गरेको छ ।
पदाधिकारी र कार्यसम्पादन समितिको बैठक बसेर बोर्डको निर्णयलाई अनुमोदन गर्ने कांग्रेसका ती नेताले बताए । यसअघि संस्थापन र इतरसमूह टिकटका विषयमा लामो छलफलमा जुटेका थिए । इतर समूहले भेषराज आचार्यलाई टिकट दिनुपर्ने बताएका थिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
