महानगर यातायातले ठक्कर दिदाँ स्कुटरमा सवार गम्भीर घाइते

होमल्याण्ड खबर

२०७५ मंसिर २ गते, आईतवार ११:५२ मा प्रकाशित

ललितपुर महानगर स्थित धोबीघाटचोकमा महानगर यातायात बा ४ ख १३३ नम्बरको बसले एक स्कूटरलाई ठक्कर दिदाँ दुर्घटना भएको छ । स्कूटरमा दुई जना सवार मध्ये एकको अवस्था चिन्ताजक भएको मेघा अस्पतालले जनाएको छ । घाइतेहरुको नाम थर खुल्न सकेको छैन् ।

प्रत्यक्षदर्शी शोेभा दाहालका अनुसार एकान्तकुना तर्फबाट आएको उक्त बसले बा ८२ प ७५०२ नम्वरको उक्त स्कूटरलाई ठक्कर दिएको थियो । बसका चालक बेपत्ता भएका छन् भने बस नियन्त्रणमा राखिएको प्रहरीले जनाएको छ ।