१४ मंसिर २०८१, शुक्रबार
२०८१ बैशाख १३ गते, बिहीबार १२:२५ मा प्रकाशित
नेकपा(माओवादी केन्द्र)का उपमहासचिव मातृकाप्रसाद यादवले सत्ता समीकरण रहने वा नरहने विषय एमाले अध्यक्ष केपी शर्मा ओलीमा भर पर्ने बताएका छन् । वर्तमान सरकार ढाल्न कांग्रेस र एमालेबिच पहिलेदेखि नै कसरत भए पनि सफल नहुने उनको बुझाइ छ ।
‘कांग्रेस र एमालेबिच समीकरण बनाउन अहिलेदेखि भएको होइन । चुनाव भएदेखि नै भएको हो । यी कसरत कुनै नयाँ विषय होइन । त्यो चलिराखेकै छ ।
समीकरण भत्काउन गगनजी लगायत नेताहरू लागिराख्नु भएको छ । बोलिराख्नुभएको छ । तर तत्काल सरकार ढल्ने म देख्दिन । यो समीकरण रहने वा नरहने विषय ओलीमा भर पर्छ । उहाँले चाहनुभयो भने रहन्छ, चाहनु भएन भने रहँदैन’, बिहीबार उनले भने ।
साथै नयाँ समीकरण बनाउने बेला संघको मात्र हिसाब किताब भएकाले समस्या आएको उनको बुझाइ छ । समीकरण भत्काउनुअघि सबै प्रदेशको हिसाब गरेको भए समस्या नआउने उनको भनाइ छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
