१४ मंसिर २०८१, शुक्रबार
२०८१ बैशाख २० गते, बिहीबार १०:२९ मा प्रकाशित
धादिङको थाक्रे गाउँपालिका-५ पुरानडाँडास्थित घट्टेखोलाको एक घरमा आगलागी हुँदा वृद्ध दम्पतीको ज्यान गएको छ।
गएराति ७० वर्षीय तेजबहादुर लामाको एकतले घरमा आगलागी भएको थियो। आगलागीमा तेजबहादुर र उनकी पत्नी ७० वर्षीया ठूली लामाको मृत्यु भएको जिल्ला प्रहरी कार्यालय धादिङका प्रहरी उपरीक्षक गौतम केसीले बताए।
“राति करिब ११ः३० बजे घरमा आगो लागेको खबर पायौं। हाप्सेचौर अस्थायी प्रहरी चौकी र इलाका प्रहरी कार्यालय खानीखोलाको टोली घटनास्थल पुग्दा दुवै जनाको मृत्यु भइसकेको थियो,” केसीले भने। आगलागीमा घरमा भएका अन्नपात र लत्ताकपडा सबै नष्ट भएको छ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
