निर्वाचन आयोगले गैरकानुनी रुपमा दल दर्ता गरिदियो: उपेन्द्र यादव

होमल्याण्ड खबर

२०८१ बैशाख २६ गते, बुधबार १३:४९ मा प्रकाशित

जनता समाजवादी पार्टी (जसपा) नेपालका अध्यक्ष उपेन्द्र यादवले फुटेर गएकाहरुलाई निर्वाचन आयोगले गैरकानुनी रुपमा दल दर्ता गरिदिएको आरोप लगाएका छन् । आज (बुधबार) पत्रकार सम्मेलन गर्दैै उनले आयोगको उक्त गैरकानुनी कार्यलाई अदालतबाट च्यालेन्ज गर्ने बताएका हुन् । जसपा नेपालबाट विभाजन भएर अशोक राईको नेतृत्वमा जनता समाजवादी पार्टी बनेको थियो । उनले उक्त दल दर्ता गैरकानुनी रहेको दाबी गरे ।

‘त्यो पार्टी निर्वाचन ऐन, राजनीतिक दल सम्बन्धि ऐनको विपरीत, ऐन संसद्मा विचाराधीन रहेको अवस्थामा गैरकानुनी तरिकाबाट, असंवैधानिक तरिकाबाट रातारात पार्टी दर्ता गरेको घोषणा गरे । यो दर्ता गैरकानुनी छ । हामी कोर्टबाट चुनौति दिन्छौं,’– उनले भने, ‘नेपालको इतिहासका यतिछिटो दर्ता भएको यो पहिलो पटक होला । यसमा कुनै वैचारिक आधार छैन, मुद्दामा फरक छैन । व्यक्तिगत महत्वकांक्षा भनेको सांसद् बनेकै छन्, मन्त्री बनेकै छन् । त्यहाँभन्दा बढी बनाउने क्षमता त हामीसँग छैन ।’

पार्टी फुटाएर गएकाहरुले पहिचान, मधेश र संघीयताको मुद्दालाई धरापमा पार्ने काम गरेको उनको आरोप छ । साथै, संघीयता, पहिचान र समावेशितका मुद्दामा जसपा नेपाल प्रतिवद्ध रहेको उनको भनाइ छ । सरकारलाई दिएको समर्थन कायमै राख्ने पनि उनले बताए । ‘सरकारप्रति हाम्रो समर्थन यथावत नै छ । यो रहन्छ । बाँकी परिस्थिति कसरी विकास हुन्छ भन्ने हो । हामीले संघीयता, पहिचान, समावेशितका कुरा अगाडि बढाइरहेको छौं । सुशासन विकास र समृद्धिका मुद्दाहरु अरुले छाडेपनि हामीले अगाडि बढाइरहेका छौं । ती मुद्दाहरुलाई निस्तेज पार्ने राजनीतिक प्रहार भयो,’– उनले भने ।

पार्टी विभाजन भएपनि केन्द्रीय समितिका दुई तिहाई बढी, कार्यकारिणी समितिमा बहुमत आफूसँमगै रहेको उनले बताए । आगामी दिनमा पार्टी अझै सुदृढ भएर जाने उनले बताए ।

सम्बन्धित खबर

काठमाडौं–१६ मा कांग्रेसका उम्मेदवार देवेन्द्र पाठक

आज सुनको मुल्य घट्यो

फेरि संसद विघटन गर्ने कोसिस हुन सक्छ : प्रचण्ड

प्रधानमन्त्री पहिले चीन जानु अपरिपक्वताको प्रमाण : प्रचण्ड

दार्चुला जीप दुर्घटना : आठ जनाको मृत्यु

आज पनि ह्वात्तै घट्यो सुनको मूल्य, कतिमा हुँदैछ कारोबार ?