२ मंसिर २०८१, आईतवार
२०८१ बैशाख ३० गते, आईतवार १४:०८ मा प्रकाशित
नेपाली नोटमा नयाँ नक्सा छाप्ने विषयमा विवादित अभिव्यक्ति दिएका राष्ट्रपति रामचन्द्र पौडेलका आर्थिक सल्लाहकार डा. चिरञ्जीवी नेपालले पदबाट राजीनामा दिएका छन्। राष्ट्रपति पौडेलले स्पष्टिकरण सोधेपछि नेपालले राष्ट्रपतिको सल्लाहकार पदबाट राजीनामा दिएका हुन्। राष्ट्रपति पौडेलले आजै राजीनामा स्वीकृत गरिसकेका छन्।
नेपालले एक सय रुपैयाँको नोटमा नयाँ नक्सा छाप्ने मन्त्रिपरिषदको निर्णयबारे सञ्चार माध्यममा विवादित टिप्पणी गरेका थिए । त्यसपछि उनको आलोचना भइरहेको थियो। आलोचना हुन थालेपछि राष्ट्रपति पौडेलले नेपालसँग स्पष्टिकरण सोधेका थिए। जसमा नेपालले आफूले राष्ट्रपतिको सल्लहकारको नाताले नभइ नेपाल राष्ट्र बैंकको पूर्व गभर्नरको नाताले टिप्पणी गरेको जवाफ दिएका थिए।
‘उहाँको त्यो जवाफबाट राष्ट्रपतिज्यु सन्तुष्ट हुनसक्नुभएन। त्यसपछि उहाँकै सुझावका आधारमा राजीनामा दिनुभएको हो,’ राष्ट्रपति कार्यालयस्रोतले भन्यो। वैशाख २० गते मन्त्रिपरिषद बैठकले एक सयको नयाँ छाप्ने नोटमा कालापानी, लिपुलेक भूभागलाई समेटेर जारी गरिएको नयाँ नक्सा राख्ने निर्णय गरेको थियो।
सल्लाहकार नेपालले सञ्चार माध्यमसँग प्रतिक्रिया दिँदै भारतसँग सीमा समस्याबारे औपचारिक वार्ता भइरहेका बेला यसो गर्नु गलत हुने टिप्पणी गरेका थिए।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
