१३ मंसिर २०८१, बिहीबार
२०८१ बैशाख ३१ गते, सोमबार १३:०५ मा प्रकाशित
त्रिभुवन अन्तरार्ष्ट्रिय विमानस्थलबाट सुनसहित दुई भारतीय नागरिक पक्राउ परेका छन्। आइतबार साँझ पौने ७ बजे फ्लाई दुबईबाट आएका भारतीय नागरिकद्वय सुरेश कुमार र मोहनकुमार गणेशनलाई प्रहरीले सुनसहित पक्राउ गरेको हो।
विमानस्थल सुरक्षा प्रमुख एसएसपी कृष्णहरि शर्मा पोखरेलका अनुसार सुरेशले सेतो रङको टि-सर्ट, निलो रङको पेन्टी र कालो रङ्गको जिन्स पाइन्टमा र मोहन कुमारले कालो रङको टि-सर्ट, निलो रङको पेन्टी र निलो रङ्गको जिन्स पाइन्टमा सुनको लेप लगाएर ल्याएका थिए । बरामद सुन करिब हजार देखि १५ सय ग्रामसम्म हुनसक्ने प्रहरीको अनुमान छ । राष्ट्र बैंकले पगालेपछि मात्रै सुनको परिमाण यकिन हुने उनले बताए ।
उनीहरुलाई अहिले गौशाला प्रहरी कार्यालयमा राखिएको छ । आजै थप अनुसन्धानका लागि भन्सार कार्यालयमा बुझाइने बताइएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
