९ मंसिर २०८१, आईतवार
२०७५ मंसिर ४ गते, मंगलवार ११:१६ मा प्रकाशित
अन्तिम पाँच मिनेटमा दुई गोल गरेर जर्मनीलाई २–२ को बराबरीमा रोक्दै नेदरल्यान्ड्सले सोमबार राति युइएफए नेसन्स लिग फुटबलको सेमिफाइनलमा स्थान बनाएको छ । नेदरल्यान्ड्सको बराबरीसँगै विश्वविजेता फ्रान्स भने समूह चरणमै रोकिएको छ ।
टिमो वेर्नरको गोलमा जर्मनीले नवौं मिनेटमा अग्रता लिएको थियो । लेरी सानेले २०औं मिनेटमा अग्रता दोब्बर बनाए । पहिलो हाफमै दुई–शून्यले अग्रता लिएको जर्मनीले त्यसलाई जोगाउन नसक्दा बराबरीमा रोकिनु पर्यो । खेल सकिन पाँच मिनेट बाँकी रहँदा क्विन्सी प्रोमेसले गोलअन्तर कम गरे भने इन्जुरी समयमा लिभरपुलका रक्षक भर्जिल भान डाइकले टोनी भिल्हेनाको क्रसलाई पोष्टको दिशा दिँदै बराबरी गोल फर्काए ।
बराबरीसँगै नेदरल्यान्ड्सले लिग ए को समूह १ बाट विजेता बन्दै प्लेअफमा स्थान बनाउन सफल भयो । जर्मनी भने यसअघि नै रेलिगेसनका परेको थियो । नेदरल्यान्ड्सको ४ खेलबाट ७ अंक छ । समान सात अंक भए पनि फ्रान्स गोल अन्तरमा दोस्रो स्थानमा रहेको हो । नेदरल्यान्ड्सले अब इङ्ल्यान्ड, पोर्चुगल र स्विट्जरल्यान्डमध्ये एक सँग फाइनलका प्रतिस्पर्धा गर्नेछ ।
“नतिजाबाट म सन्तुष्ट छैन तर समग्रमा म सकरात्मक छु,” जर्मनीका प्रशिक्षक जोचिम लोउले भने, “पहिलो हाफ हामीले धेरै राम्रो खेल्यौं । र जित्नका लगि दोस्रो हाफमा पनि तेस्रो गोल गर्न सक्नुपथ्र्यो ।” एजेन्सी ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
