९ मंसिर २०८१, आईतवार
२०७५ मंसिर १० गते, सोमबार १०:२६ मा प्रकाशित
सेभिया स्पेनिस ला लिगा फुटबलको शीर्ष स्थानमा उक्लिएको छ । आइतबार राति भएको खेलमा रियल भालाडोलिडलाई १ – ० ले हराउदै सेभिया शीर्ष स्थानमा उक्लिएको हो ।
घरेलु मैदानमा सेभियाको जितमा आन्द्रे सिल्भा नायक बने । सिल्भाको निर्णायक गोलमा सेभियाले ३ अंक जोडेको हो । खेलको ३० औं मिनेटमा सिल्भाले गोल गर्दै सेभियालाई जित दिलाए ।
यो जितसंगै सेभियाले बार्सिलोना र एट्लेटिको मड्रिडलाई पछि पार्दै अंक तालिकाको शीर्ष स्थानमा पुग्न सफल भयो । सेभियाले १३ खेलबाट २६ अंक जोडेको छ ।
दोस्रो स्थानको बार्सिलोना सेभिया भन्दा १ अंकले पछि छ भने एट्लेटिको २ अंकले पछि छ । बार्सिलोनाको २५ र एट्लेटिकोको २४ अंक छ । रियल भालाडोलिड १७ अंक जोडेर १२ औं स्थानमा छ । एजेन्सी ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
