न्याय खोज्दा खोज्दै मानसिक रोगले थलिए निर्मलाका बुबा

होमल्याण्ड खबर

२०७५ मंसिर ११ गते, मंगलवार १२:०१ मा प्रकाशित

कञ्चनपुरकी १३ वर्षीया बालिका निर्मला पन्तको बलात्कारपछि हत्या भएको घटनाका बलात्कारी र हत्यारा पत्ता लगाउन सरकारलाई दवाव दिन धर्ना बस्दाबस्दा उनका बाबु मानसिक रोगी बन्न पुगेका छन् ।

यज्ञराज १४ दिनसम्म धर्ना बसे । धर्ना बस्नुअघिका सद्दे उनी एकाएक बर्बराउने, चिच्याउने, रातभर नसुत्ने गर्न थाले । गाली गर्न थाले ।
तनावले उनलाई मनोवैज्ञानिक समस्या भयो । उनलाई अहिले ‘एक्युट एन्ड ट्रान्जिएन्ट साइकोटिक डिसअर्डर’ को लक्षण देखिएको शिक्षण अस्पताल महाराजगञ्जका मानसिक रोग विभाग प्रमुख सरोजप्रसाद ओझाले बताएका छन् ।

यज्ञराजको शिक्षण अस्पतालको आइसीयुमा उपचार भइरहेको छ ।

तनाव झेल्न नसकेर यो समस्या आएको डा ओझाले बताए । यज्ञराजलाई केही दिन औषधि चलाएर त्यसपछि मात्रै काउन्सिलिङ सुरु गरिने छ ।
यज्ञराजको गतिविधिले सम्हाल्न गाह्रो भएपछि विमानबाटसमेत काठमाडौं ल्याउन सकिएको थिएन ।

सरकारले न्याय नदिई मानसिक रोगी बनायो ?

अहिले सामाजिक संजालमा यज्ञराजलाई मानसिक रोगी बनाउने अपराध सरकारले गरेको आरोप लागिरहेका छन् । छोरीको बलात्कारपछि हत्या हुन्छ अनि कुन चाहिं अभिभावक शान्तले बस्न सक्छ ।

कसले यज्ञराजलाई राहत दिलाउने काम गर्यो ? कसैले आश्वासन दिलाउन सकेनन् ।

सरकारले त झन् बढी पीडा दियो । आन्दोलन गर्ने बनायो । धर्नामा बस्ने बनायो । त्यही तनावले उनी आफै थलिए । यति ठूलो घटना हूँदा पनि सरकार गम्भीर नभएको आरोप लाग्दै आएको छ ।

सम्बन्धित खबर

सार्वजनिक पदाधिकारीको सम्पत्ति विवरण सार्वजनिक गर्न सूचना आयोगको सुझाव

परराष्ट्रमन्त्री राणा चीन प्रस्थान

चुरियामाई उकालोमा कन्टेनर पल्टिँदा पूर्वपश्चिम राजमार्ग अवरुद्ध

बाराको रामराजा क्याम्पस प्रमुखको हत्यामा संलग्न मुख्य आरोपी पक्राउ

उद्योगहरूको बिजुली नकाट्ने प्राधिकरण बोर्डको निर्णय

कीर्तिपुरमा जित सुनिश्चित बनाउँदै माओवादी