८ मंसिर २०८१, शनिबार
२०८१ श्रावण २२ गते, मंगलवार १५:४४ मा प्रकाशित
बंगलादेशमा संसद् भंग गरिएको छ । राष्ट्रपति महममद शाहबुदिनले संसद् भंग गरेको बंगलादेशको अखबार डेली स्टारले जनाएको छ ।
राष्ट्रपतिले जारी गरेको प्रेस विज्ञप्तिमा भनिएको छ, ‘राष्ट्रपतिले तीनै तहका सशस्त्र बलका प्रमुख, विभिन्न राजनीतिक दलका नेता, नागरिक समाजका प्रतिनिधि र विभेद विरोधी विद्यार्थी आन्दोलनका नेताहरूसँगको छलफलपछि संसद् भंग गर्ने निर्णय गर्नुभएको छ ।’
आधा वर्ष अगाडि मात्रै चुनाव भएर बुहमत ल्याएकी शेख हसिनाले प्रधानमन्त्रीबाट राजीनामा दिएर भारत शरणमा पुगेको भोलिपल्ट संसद् विघटन गरिएको हो ।
अहिलेको संसद् बंगलादेशको १२औं संसद् हो । गत जनवरी ७ मा भएको चुनावबाट यो संसद चलन भएको थियो ।
विज्ञप्तीमा बीएनपी अध्यक्ष खालिदा जियालाई रिहा गरिएको पनि बताइएको छ । यसबाहेक जुलाई १ देखि अगस्टसम्म पक्राउ परेकाहरूलाई रिहा गर्ने प्रक्रिया सुरू भइसकेको र धेरैलाई रिहा गरिसकिएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
