प्राधिकरणले बुझाएको डकुमेन्ट छान्दै समिति, नचाहिने कागजात फिर्ता पठाइने

सार्वजनिक लेखा समितिले नेपाल विद्युत् प्राधिकरणबाट प्राप्त डेडिकेटेड तथा ट्रंकलाइन प्रयोग गरेका उद्योगहरूको टीओडी मिटरको डेटा समेटिएको सबै कागजात (डकुमेन्ट) नराख्ने भएको छ ।

समितिका सभापति ऋषिकेश पोखरेलले प्राधिकरणबाट प्राप्त भएका कागजातबाट आवश्यक मात्रै समितिले लिएर बाँकी फिर्ता पठाइदिने बताए । कुन कुन कागजात समितिलाई चाहिने हो भन्नेबारे छान्ने काम भइरहेको र त्यसबाहेकका कागजात प्राधिकरणमै फिर्ता पठाइने उनको भनाइ छ।

लेखा समितिले उद्योगले बिजुली प्रयोग गरेको प्रमाण मागेपछि प्राधिकरणले बिहीबार टीओडी डाटासहितको विवरण उपलब्ध गराएको थियो ।