३० कार्तिक २०८१, शुक्रबार
२०७५ मंसिर १३ गते, बिहीबार ११:०९ मा प्रकाशित
कञ्चनपुरकी १३ वर्षीया बालिका निर्मला पन्तका बलात्कारी र हत्यारालाई पक्राउ गरी कार्वाही गर्न माग गर्दै नेपाली काँग्रेसले अल्टिमेटम दिने भएको छ ।
नुवाकोटको ककनीमा जारी काँग्रेस जिल्ला सभापतिहरुको भेलामा ७७ जिल्लाका सभापतिहरुको ऐक्यवद्धता रहने गरी हत्यारा पक्राउ गर्न सरकारलाई निश्चित समय दिने र त्यो समयसम्म पनि पक्राउ गरी कार्वाही नभए देशभर आन्दोलनको आँधीवेहरी ल्याउने बताएका छन् ।
अहिलेसम्म नेताहरुले सरकारलाई कार्वाहीका लागि दिने समय भने तोकिसकेको अवस्था छैन । एक जिल्ला सभापतिले भने, ‘गत साउन ११ गते बलात्कारपछि हत्या भएको घटनामा सरकारले बलात्कारी र हत्यारा लुकाएको निष्कर्षमा हामी पुगिसकेका छौं अब पनि हत्यारा बाहिर नल्याउने हो भने आँधीबेहरी ल्याउँछौं ।’
सरकारले सो घटना अनुसन्धान गर्न विभिन्न समिति बनाए पनि केही त बेइमान निस्किएपछि कार्वाहीको भागेदारसमेत भएका छन् । तत्कालीन कञ्चनपुर प्रहरी प्रमुखले त जागिरबाटै हात धोएका छन् ।
जिल्ला सभापतिको निष्कर्ष छ –सरकारले देशमा अमनचयन नदिने हो भने त्यसका विरुद्ध कडा रुपले प्रस्तुत हुने ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
