३० कार्तिक २०८१, शुक्रबार
२०८१ आश्विन २ गते, बुधबार १५:२१ मा प्रकाशित
लोकतान्त्रिक समाजवादी पार्टी नेपालले महाधिवेशनको मिति तय गरेपछि त्यसको तयारीमा तीव्रता दिएको छ । महाधिवेशन अघि पार्टीको सम्पूर्ण साङ्गठनिक संरचना बनाउने विषयमा पार्टीमा निरन्तर छलफल भइरहेको छ ।
बुधवार पार्टीका शीर्ष नेताहरूको बैठक बसेर निर्धारित महाधिवेशनलाई व्यवस्थित बनाउन पालिकादेखि प्रदेशसम्मको साङ्गठनिक संरचना एवं अधिवेशनको बारेमा छलफल भएको सो पार्टीका वरिष्ठ उपाध्यक्ष जितेन्द्र सोनलले बताए ।
पार्टीका अध्यक्ष महन्थ ठाकुरको नेतृत्वमा बसेको बैठकमा महाधिवेशन सम्पन्न गर्नका लागि पार्टीका सबै संरचना निर्माण गर्ने विषयमा छलफल भएको उनले बताए । ‘तोकिएको समयमा महाधिवेशन सम्पन्न गर्नका लागि केन्द्रदेखि पालिका तहसम्मको सम्पूर्ण संरचना बनाउने, अधिवेशन गराउने अध्यक्ष ठाकुरबाट निर्देश भए अनुसार सबै कामहरू अगाडि बढेको छ’ उनले भने ।
पार्टीका महन्थ ठाकुरको नेतृत्वमा एक ढिक्का भएर महाधिवेशन सम्पन्न गराउने लक्ष्यसहित पार्टीका सम्पूर्ण नेता तथा कार्यकर्ता त्यसको तयारीमा जुटसकेको समेत उनले बताए । लोसपाको २०८२ वैशाख २६ गते महाधिवेशन गर्ने मिति तय भएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
