पत्रकार महासंघको कार्यबाहक अध्यक्ष विष्टद्वारा राजिनामा

होमल्याण्ड खबर

२०८१ आश्विन ४ गते, शुक्रबार १३:५७ मा प्रकाशित

नेपाल पत्रकार महासंघका कार्यबाहक अध्यक्ष रमेश विष्टले पनि पदबाट राजिनामा दिएका छन् । विष्टले उपाध्यक्ष बाला अधिकारी र महासचिव रोशन पुरीलाई बोधार्थ दिँदै शुक्रबार पदबाट राजिनामा दिएका हुन् ।

यसअघि निवर्तमान अध्यक्ष विपुल पोखरेलले पनि गत भदौ २४ गते निर्वाचनको मुखमै पदबाट राजिनामा दिएका थिए । महासंघको निर्वाचन समितिले प्रकाशन गरेको पछिल्लो कार्यतालिका अनुसार आज शुक्रबारदेखि मनोनयन दर्ता गर्नुपर्ने थियो । तर सदस्यता विवाद समाधान हुन नसकेपछि कार्यबाहक अध्यक्ष विष्टले पनि आज राजिनामा पेश गरेका हुन्।

राजीनामा पत्रमा कार्यबाहक विष्टले लेख्नुभएको छ, “विधानअनुसार महासघको सदस्यताको फारम नभरेका, शुल्क नबुझाएका, पत्रकारिता क्षेत्रमा रहेको प्रमाण पेश नगरेका, जिल्ला र प्रदेश समितिबाट सिफारिस नभएका करिब साढे ४ सय व्यक्तिका विषयमा जिल्ला अध्यक्षहरुले प्रश्न उठाएका छन् ।”

“२०८१ असोज १२ गते तोकिएको निर्वाचन हुन नसकेकोसहित महासंघबाट भएका सबै कमजोरीहरुको नैतिक जिम्मेवारी लिदैं कार्यबाहक अध्यक्षबाट राजीनामा दिएको छु” राजीनामा पत्रमा उल्लेख छ ।

सम्बन्धित खबर

राप्रपाको कार्यसम्पादन समिति बैठक सुरु

चुनावी हारको कारण खोज्न कांग्रेसको देशव्यापी समीक्षा

रवि लामिछानेको मुद्दा फिर्ताविरुद्धको रिट न्यायाधीश सुवेदी र पोखरेलको इजलासमा

ओली निवास पुगेर माधव नेपालले दिए समवेदना

सुनचाँदीको मूल्य घट्यो

गोरखा माइक्रोबस दुर्घटना : सात जना भारतीयको मृत्यु