नारायणगढ-मुग्लिन सडकमा शुक्रबार राति सवारी आवागमनमा रोक लगाइने

होमल्याण्ड खबर

२०८१ आश्विन ११ गते, शुक्रबार १७:०२ मा प्रकाशित

नारायणगढ-मुग्लिन सडकमा आज (शुक्रबार) रातिको समयमा गाडी चलाउन रोक लगाइएको छ।

बिहीबार रातिदेखि परिरहेको वर्षाका कारण रातिमा पहिरोको जोखिम  बढी हुने भएकाले आज बेलुका ७ बजेदेखि बिहान ५ बजेसम्म सवारी सञ्चालनमा रोक लगाइएको हो।

जिल्ला सुरक्षा समितिले पहिरोको आङ्कलन गरी सवारी सञ्चालन गर्न रोक लगाइएको जिल्ला प्रहरी कार्यालय चितवनका प्रमुख भावेश रिमालले जानकारी दिए।

‘नारायणगढ मुग्लिन सडक खण्ड पहिरोको उच्च जोखिम क्षेत्र हो।  गृह मन्त्रालयले समेत अवस्था हेरेर रातिमा सवारी आवागमन गर्न निर्देशन गरेको अवस्था छु, प्रहरी प्रमुख रिमालले भने, ‘जिल्ला सुरक्षा समितिले आज राति सवारी चलाउन निर्णय गरेको छ।’

उनका अनुसार यस राजमार्ग भएर गुड्ने सवारी साधनलाई नारायणगढतर्फ आँपटारी र मुग्लिनतर्फ मुग्लिन बजारमा रोकिने छ।  चितवन आसपासका जिल्लामा अत्याधिक वर्षा भएका कारण जरुरी काम बाहेक यात्रा गर्ने समेत उनले सुझाव दिएका छन्।

सम्बन्धित खबर

उखु र दूध किसानले पाउने भए बक्यौता रकम

प्रतिकूल मौसमले हवाई उडान प्रभावित

भारतमा ७ वर्षीय बालकलाई बलि दिइयो, पाँचजना पक्राउ

घटस्थापनापछिका ७० प्रतिशत हवाई टिकट बुक, कहाँ काे भाडा कति ?

विवादका बिच सर्वोच्चमा न्यायाधीश सिफारिस गर्ने निर्णय

भित्र न्याय परिषद्को बैठक चलिरहँदा बाहिर बारकाे धर्ना