हवाई भाडा महंगो नलिन एयरलाइन्स कम्पनीहरूलाई प्रधानमन्त्रीको आग्रह

होमल्याण्ड खबर

२०८१ आश्विन १३ गते, आईतवार १४:५० मा प्रकाशित

 प्रधानमन्त्री केपी शर्मा ओलीले हवाई भाडा महंगो नलिन एयरलाइन्स कम्पनीहरूलाई आग्रह गरेका छन् ।

संयुक्त राष्ट्रसंघको ७९औँ महासभामा सहभागी हुने क्रममा हाल अमेरिकाको न्युयोर्कमा रहेका उनले सामाजिक सञ्जालमार्फत विपद्को समयमा पहिलेकै दरमा भाडा लिएर सहयोग गर्न एयरलाइन्स कम्पनीहरूलाई आग्रह गरेका हुन् ।

हवाई भाडा अरू बेलाभन्दा महँगो भएको गुनासो आइरहेको उल्लेख गर्दै उनले भनेका छन्, ‘लगातारको वर्षा र बाढीपहिरोले सडक यातायात अवरुद्ध हुँदा अत्यावश्यक यात्रामा पनि अप्ठेरो परेको छ । हवाई भाडा अरू बेलाभन्दा महँगो भएको गुनासो सामाजिक सञ्जालमा सुनिएको छ । हवाई सेवा दिँदै आएका एयरलाइन्सहरूलाई यस्तो विपत्तिको समयमा यात्रुहरूसँग पहिलेभन्दा सहुलियत मूल्यमा या पहिलेकै दरमा भाडा लिएर सहयोग गर्नुहुन अनुरोध छ ।’

सिाथै उनले नेपाल सरकार, पर्यटन मन्त्रालयले पनि हवाई यात्रुको लागि र उद्धार उडानको लागि विशेष निर्णय गरेको जानकारी गराएका छन् । उनले सबै मिलेर प्राकृतिक विपत्तिको सामना गर्न गर्नुपर्ने बताएका छन् ।

सम्बन्धित खबर

सिनामंगलको होटलमा युवायुवती झुण्डिएको अवस्थामा मृत भेटिए

रवि लामिछानेलाई अदालत उपस्थित गराइयो

कमजोरी सच्याउन एमाले तयार छ : शङ्कर पोखरेल

भद्रकालीबाट सुुरु भयो एमालेको र्‍याली

सुदूरपश्चिममा लगानी गर्नुहोस्, हामी पूर्वाधारको व्यवस्था गरिदिन्छौं : मुख्यमन्त्री शाह

छ सय ग्राहकको विद्युत्को लाइन काटिँदै