विपक्षी दलहरूले प्रधानमन्त्रीलाई आज ज्ञापनपत्र बुझाउने

होमल्याण्ड खबर

२०८१ कार्तिक ५ गते, सोमबार ११:२१ मा प्रकाशित

सरकार बाहिर रहेका विपक्षी दलहरूले सरकारको ध्यानाकर्षणका लागि ज्ञापनपत्र आज बुझाउँदै छ । शुक्रबार संसद् भवन नयाँ बानेश्वरमा बसेको बैठकले सरकारको सय दिनको समीक्षा, बाढीपहिरो पछिको राहत तथा पुनर्स्थापना, सुशासन, सामाजिक न्याय, जनजीविका लगायत विषयमा सरकारको ध्यानाकर्षण गराउन ज्ञापनपत्र बुझाउने निर्णय गरेको थियो । साथै समग्र अवस्थाको अध्ययन गर्न तीन सदस्यीय कार्यदल गठन गरेको थियो ।

ज्ञापनपत्र दिउँसो ४ः३० बजे प्रधानमन्त्रीको कार्यालय सिंहदरबारमा प्रधानमन्त्री केपी शर्मा ओलीलाई बुझाउने कार्यदल सदस्य एवं नेकपा माओवादी केन्द्रका उपमहासचिव शक्ति बस्नेतले बताए । ‘बाढी पहिरोबाट पीडित जनताका राहत, पुनर्स्थापना, सुशासन, जनजीविका लगायत विषयमा सरकारको ध्यानाकर्षण गराउन आज प्रधानमन्त्रीलाई ज्ञापनपत्र बुझाउने कार्यसूची रहेको छ’, बस्नेतले रातोपाटीसँग भने ।

कार्यदलमा बस्नेतसहित एकीकृत समाजवादीका वरिष्ठ उपाध्यक्ष राजेन्द्र पाण्डे र राष्ट्रिय स्वतन्त्र पार्टीका नेता शिशिर खनाल रहेका छन् । विपक्षी दलहरूको बैठकले ओली सरकार पूर्ण असफल रहेको निष्कर्ष निकाल्दै जनपक्षीय काम, विकास निर्माण, सुशासन, सामाजिक न्याय, समृद्धिको पक्षमा काम गर्नका लागि दबाब दिने नीति लिएको थियो । ध्यानाकर्षण गराउँदा समेत सरकारले काम नगरे संसद्को विशेष अधिवेशन बोलाउन माग गर्ने निर्णय गरेको थियो ।

सम्बन्धित खबर

कमजोरी सच्याउन एमाले तयार छ : शङ्कर पोखरेल

भद्रकालीबाट सुुरु भयो एमालेको र्‍याली

सुदूरपश्चिममा लगानी गर्नुहोस्, हामी पूर्वाधारको व्यवस्था गरिदिन्छौं : मुख्यमन्त्री शाह

छ सय ग्राहकको विद्युत्को लाइन काटिँदै

राष्ट्रपतिद्वारा भारतीय सेना प्रमुखलाई मानार्थ महारथी प्रदान

ग्रेटर नेपालका अभियन्ता नेपाल प्रहरीको नियन्त्रणमा