कुलमानको पक्षमा सर्वोच्चको फैसला : बक्यौता उठाउने बाटो खुल्यो

होमल्याण्ड खबर

२०८१ कार्तिक २१ गते, बुधबार १०:४२ मा प्रकाशित

डेडिकेटेड तथा ट्रंकलाइनको बक्यौता उठाउने नेपाल विद्युत् प्राधिकरणको निर्णयविरुद्ध दायर भएको रिट सर्वोच्च अदालतले खारेज गरेको छ ।

नेपाल विद्युत् प्राधिकरण र कुलमान घिसिङलाई विपक्षी बनाइ हिमाल आइरन एण्ड स्टिल प्रालिले दायर गरेको रिट मंगलबार सर्वोच्च अदालतले खारेज गरेको हो ।

प्रधानन्यायाधीश प्रकाशमान सिंह राउत र महेश शर्मा पौडेलको संयुक्त इजलासले उक्त रिट खारेज हुने फैसला सुनाएको हो । रिट खारेज भएसंगै नेपाल विद्युत् प्राधिकरणले तोकेको डेडिकेटेड तथा ट्रंक लाइन बक्यौता रकम तिर्नुपर्ने भएको छ ।

प्राधिकरणले गत असोज २४ मा सार्वजनिक गरेको विवरण अनुसार हिमाल स्टिलले नेपालमा लोडसेडिङका बेला डेडिकेटेड र ट्रंक लाइन मार्फत विद्युत् उपभोग गरेको बिल १३ करोड ६५ लाख रुपैयाँ तिर्न बाँकी थियो । अब उसले उक्त रकम बुझाउनु पर्ने छ ।

नेपाल विद्युत प्राधिकरणका कार्यकारी निर्देशक कुलमान घिसिङले गरेको निर्णय बमोजिम सर्वोच्चले फैसला गरेपछि प्राधिकरणलाई बक्यौता उठाउने बाटो खुलेको छ ।

हेर्नुहोस् प्राधिकरणद्धारा गत असोज २४ मा जारी सुचना

सम्बन्धित खबर

कमजोरी सच्याउन एमाले तयार छ : शङ्कर पोखरेल

भद्रकालीबाट सुुरु भयो एमालेको र्‍याली

सुदूरपश्चिममा लगानी गर्नुहोस्, हामी पूर्वाधारको व्यवस्था गरिदिन्छौं : मुख्यमन्त्री शाह

छ सय ग्राहकको विद्युत्को लाइन काटिँदै

राष्ट्रपतिद्वारा भारतीय सेना प्रमुखलाई मानार्थ महारथी प्रदान

ग्रेटर नेपालका अभियन्ता नेपाल प्रहरीको नियन्त्रणमा