२८ कार्तिक २०८१, बुधबार
२०८१ कार्तिक २५ गते, आईतवार १५:४४ मा प्रकाशित
हवाई भाडा महँगो भएको भन्दै कांग्रेसका प्रतिनिधिसभा सदस्य राजेन्द्र बजगाईँले विरोध प्रदर्शन गरेका छन् ।
हवाई भाडा महँगो हुँदा खाडीमा रहेका लाखौँ युवाहरुलाई समस्या भएको भन्दै बजगाईँले आइतबार काठमाडौंको माइतीघरमा विरोध प्रदर्शन गरेका हुन् ।
नेपालमा रोजगारको सम्भावना नभएर बिदेसिन बाध्य नेपालीहरूलाई महँगो भाडा थोपरिएकाले तत्काल हवाई भाडा वृद्धिको निर्णय फिर्ता हुनुपर्ने बजगाईँले बताए ।
नेपाली पर्यटन क्षेत्र अस्तव्यस्त भएको अवस्थामा हवाई भाडा वृद्धिले पर्यटन क्षेत्रमा समेत असर पुग्ने उनको भनाइ छ । बजगाईँले हवाई भाडा वृद्धि फिर्ता गराउनका लागि पर्यटन मन्त्रीलाई समेत आग्रह गरेको उल्लेख गरे ।
हवाई भाडा वृद्धि भएपछि नेपाल नागरिक उड्डयन प्राधिकरणले हवाई भाडा नियन्त्रणका लागि सरोकारवाला पक्षसँग पाँच बुँदे सहमति समेत गरिसकेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
