रुपन्देहीमा रवि लामिछानेसँग तेस्रो दिन पनि बयान जारी

होमल्याण्ड खबर

२०८१ कार्तिक २९ गते, बिहीबार १३:१० मा प्रकाशित

सहकारी ठगीबारे अनुसन्धानका लागि पोखराबाट भैरहवा ल्याइएका रास्वपा सभापति तथा पूर्वगृहमन्त्री रवि लामिछानेसँग आज (बिहीबार) तेस्रो दिन पनि बयान जारी छ ।

जिल्ला प्रहरी कार्यालय रुपन्देहीका अनुसार तेस्रो दिनको बयान बिहान साढे १० बजे सुरु भएको हो । रविसँग मंगलबार र बुधबार गरी १३ घण्टा लामो बयान लिइँदा समेत बयान नसकिएपछि आज पनि लिइएकाे हाे। बयान आजै सकिने सम्भावना छ।

पोखराको सूर्य दर्शन सहकारीको रकम हिनामिनामा संलग्न रहेको आरोपमा पक्राउ परेका लामिछानेमाथि बुटवलमा रहेको सुप्रिम सहकारीको रकम समेत हिनामिनामा संलग्न रहेको आरोप छ ।

जिल्ला प्रहरी कार्यालय कास्कीको हिरासतमा रहेका उनलाई सूर्यदर्शन सहकारीमा अनुसन्धान सकिएकाले सुप्रिमको अनुसन्धान गर्न मंगलबार रुपन्देही ल्याइएको हो ।

सम्बन्धित खबर

लैङ्गिक हिंसा रोकथाम गर्न मन्त्रालयको सक्रियता

प्रदेशसभा सदस्य गौचनको निधनप्रति कांग्रेसद्धारा दुःख व्यक्त

न्याय सेवाका ५ उपसचिवसहित ४४ अधिकृतको सरुवा

८ करोडको लागतमा त्रिशूलीमा नयाँ पुल निर्माण

आज पनि ह्वात्तै घट्यो सुनको मूल्य, कतिमा हुँदैछ कारोबार ?

मन्त्रिपरिषद्को निर्णयविरुद्ध सर्वोच्चमा रिट