३० कार्तिक २०८१, शुक्रबार
२०८१ कार्तिक ३० गते, शुक्रबार १७:०० मा प्रकाशित
नेपाली कांग्रेसका महामन्त्री विश्वप्रकाश शर्माले उर्जा राज्यमन्त्री पूर्णबहादुर तामाङ (कान्छाराम)को कान्छाराम कन्स्ट्रक्सन कालोसूचीमा परेको विषयमा उनले नै प्रष्ट पार्नुपर्ने बताएका छन् ।
राज्य व्यवस्था समितिको शुक्रवारको बैठकमा कान्छाराम समेत उपस्थित भएका बेला सांसद शर्माले कालोसूचीमा परेका बारे राज्यमन्त्रीले प्रष्ट पार्नुपर्ने बताएका हुन् । राज्यमन्त्री तामाङ कांग्रेसका रामेछाप जिल्ला सभापति समेत हुन् ।
शर्माले भने, ‘उहाँको कम्पनी कालोसूचीमा परेको कुरा आएको छ । यसमा उहाँले स्पष्ट पार्नुपर्छ । यसमा राज्यव्यवस्था समितिको पनि ध्यान जानुपर्छ । राज्यमन्त्रीको कम्पनी कालोसूचीमा गएको हो भने उहाँले भन्नुपर्छ ।’
यसरी राज्यको कामको ठेक्का लिएर अलपत्र पार्ने र कालोसूचीबाट उन्मुक्तिको व्यवस्था मान्य नहुने उनले बताए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
