२७ फाल्गुन २०८२, बुधबार
२०८१ पुष १२ गते, शुक्रबार १३:१७ मा प्रकाशित
नेकपा एमालेका महासचिव शंकर पोखरेलले भीम रावललाई पार्टीबाट निकालिएको नभई आफैं निक्लिएको बताएका छन् ।
शुक्रबार प्रेस चौतारी नेपाल चितवनले आयोजना गरेको पत्रकार सम्मेलनमा नेता पोखरेलले भने, ‘हरेक पार्टीका निर्णय र नीतिको विपक्षमा अभियान चलाएर हिँडेपछि पार्टी सदस्य हो भनिरहन मिल्छ र ? त्यस अर्थमा रावलजीलाई हामीले निकालेको होइन, आफैँ निक्लिएको हो भन्ने पर्दछ ।’
उनले रावल एमालेको मूल्य मान्यता र अनुशासनभित्र बस्न नसकेको बताए । संसदभित्रको संसदीय ह्विप उल्लंघन गरेकै दिनबाट रावलले एमाले छाडिसकेको पोखरेलले दावी गरे ।
महासचिव पोखरेलले रावल आफू नेतृत्वमा रहेको ठाउँमा अरूलाई जंगी शासन लगाउने तर आफू भने अनुशासनमा नबस्ने प्रवृत्तिको नेता भएको आरोप लगाए । उनले भने, ‘आफू जिम्मेवारीमा रहँदा जंगी अनुशासन लगाउने मान्छे, आफ चाहिँ जिम्मेवारीमा बस्नु पर्दैन ?’ एमालेले रावललाई सुध्रिने अवसर दिएपनि नसुध्रिएको पोखरेलको भनाइ थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
