पशुपतिको ढोका बिहान २ बजे खुल्ने, एक दशकयताकै सर्वाधिक भक्तजन आउने अपेक्षा

होमल्याण्ड खबर

२०८१ फाल्गुन १३ गते, मंगलवार १५:०५ मा प्रकाशित

महाशिवरात्रि पर्वमा पशुपतिनाथ मन्दिर दर्शन गर्न आउने श्रद्धालु भक्तजन, साधुसन्त र दर्शनार्थीको उपस्थिति बढेको छ। एक दशकयताकै सर्वाधिक भक्तजन आउने अपेक्षाका साथ पशुपति क्षेत्र विकास कोषले व्यवस्थापन गरेको जनाएको छ।

महाशिवरात्रि पर्व हर्षोल्लासपूर्वक सम्पन्न गर्न संस्कृति, पर्यटन तथा नागरिक उड्डयनमन्त्री एवं पशुपति क्षेत्र विकास कोष सञ्चालक परिषद्का अध्यक्ष बद्रीप्रसाद पाण्डेको अध्यक्षतामा महाशिवरात्रि पर्व व्यवस्था मूल समारोह समिति गठन गरिएको थियो। कोषका सदस्यसचिव डा. मिलनकुमार थापाले भने, ‘नौ वटा विषयगत उपसमिति गठन गरिएको छ, उपसमितिबाट जिम्मेवारीअनुसार काम अघि बढाइएको छ। व्यवस्थापकीय पक्षलाई उच्च प्राथमिकता र दर्शनार्थी भक्तजनलाई सहज बनाउनमा सम्पूर्ण ध्यान केन्द्रित गरेका छौँ।’

नेपाल, भारत, भुटान, बंगलादेश, म्यानमारसहितका देशबाट भक्तजन आइरहेका छन्। व्यवस्थित रूपमा पूजाआजा र दर्शनको व्यवस्था गर्न बुधबार बिहान २ बजे पशुपतिनाथ मन्दिरको ढोका खोल्ने निर्णय भएको छ। उनले भने, ‘नेपाली सेना, नेपाल प्रहरी, सशस्त्र प्रहरी, राष्ट्रिय अनुसन्धान विभागको टोली सुरक्षाका लागि परिचालन गरिएको छ। पशुपति क्षेत्र विकास कोषको आफ्नो सुरक्षा टोली पनि रहनेछ।’

सम्बन्धित खबर

कक्षा १२ को परीक्षामा सहभागी नहुन शिक्षक महासङ्घको अनुरोध

निजामती कर्मचारीले पनि घोषणा गरे आन्दोलन, यस्ता छन् मागहरू

पचरौताका तत्कालिन प्रमुख प्रशासकीय अधिकृतसहित ३ जनाविरुद्ध भ्रष्टाचार मुद्दा दर्ता

आन्दोलन नरोक्न शिक्षकहरूलाई प्रचण्डको अपिल

शिक्षकको आन्दोलनले काठमाडौंमा यातायात सेवा प्रभावित

कम्युनिष्ट नेताहरूका कारण राजनीतिमा विकृति र विसङ्गति भित्रियो : माधव नेपाल