१४ मंसिर २०८१, शुक्रबार
२०७५ मंसिर २४ गते, सोमबार १३:४१ मा प्रकाशित
७० औं अन्तराष्ट्रिय मानव अधिकार दिवस, विश्वभर विभिन्न जनचेतनामूलक कार्यक्रम गरी मनाईदैछ। यसै अवसर पारेर सोमबार बिहान काठमाडौंमा पनि मानव अधिकार प्रभातफेरी कार्यक्रम आयोजना गरिएको छ।
‘दिगो विकास र मानव अधिकार: नेपालीको मूल आधार’ भन्ने मूल नाराका साथ राष्ट्रिय मानव अधिकार आयोगको आह्वानमा मानव अधिकार प्रभातफेरी कार्यक्रम आयोजना गरिएको हो।
काठमाडौंको भृकुटीमण्डपबाट सुरु गरिएको प्रभातफेरी रत्नपार्कस्थित शान्ति बाटिकामा पुगेर समापन गरिएको थियो। प्रभातफेरी कार्यक्रममा सहभागी भएका मानव अधिकारकर्मीहरुले मानव अधिकारको पूर्ण प्रत्याभूति गराउन सरकारसँग माग गरेका छन्।
उनीहरुले महिला हत्या, हिंसालगायतका घटना बढदै गएकोमा चिन्ता व्यक्त गर्दै त्यसलाई तत्काल रोक्न पनि सरकारको गम्भिर ध्यानाकर्षण गराएका छन्। राष्ट्रिय मानव अधिकार आयोगका अध्यक्ष अनुपराज शर्माले मानव अधिकारको पूर्णप्रत्याभूति दिलाउन सरकारको गम्भिर ध्यानाकर्षण गराए। उनले मानव अधिकार हनन्कर्तामाथि कडा कार्वाही गर्न पनि सरकारलाई पुनः सचेत गराए।
राष्ट्रिय मानव अधिकार आयोगले सशष्त्र द्वन्द्वकालका घटनामा पीडितलाई न्याय दिन सरकारलाई पटक–पटक सचेत गराउँदै आएको छ। त्यसैगरी मानव अधिकारकर्मी सिताराम लामाले दण्डहिनताको अन्त्य गर्न सरकारसँग माग गरे। उनले मानव अधिकारको प्रत्याभूति गराउने प्रतिवद्धताको पूर्ण पालन गर्न पनि सरकारको गम्भिर ध्यानाकर्षण गराए।
महिला अधिकारकर्मी सुशीला श्रेष्ठले महिला हिंसा, हत्यालगायतका घटना तत्काल अन्त्य गर्न सरकारसँग आग्रह गरे। उनले महिला हत्या, हिंसामा संलग्नलाई पक्राउ गरी कडा कार्वाही गर्न पनि सरकारलाई दवाव दिए।
प्रभातफेरीमा सहभागी भएका मानव अधिकारकर्मीहरुले द्वन्द्वकालका पीडितलाई न्याय दिन ढिलाई नगर्न पनि सरकारलाई दवाव दिएका छन्। उनीहरुले समानता, न्याय र मानव मर्यादाका लागि सबैलाई एकजुट हुन पनि आह्वान गरेका छन्।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
