पार्टीभित्रका मतभेदलाई हटाएर विश्वासको वातावरण बनाउनुपर्छ : सभापति देउवा

होमल्याण्ड खबर

२०८१ फाल्गुन १९ गते, सोमबार १६:३४ मा प्रकाशित

नेपाली कांग्रेसका सभापति शेरबहादुर देउवाले पार्टीभित्र रहेका मतभेदलाई हटाएर विश्वासको वातावरण बनाउनुपर्ने बताएका छन् । सोमबार कांग्रेस, ‘केन्द्रीय नीति, अनुसन्धान तथा प्रशिक्षण प्रतिष्ठान’ले रुपन्देहीको भैरहवामा आयोजना गरेको अभिमुखीकरण कार्यक्रममा उनले पार्टीभित्र नमिलेका र विवादका विषयलाई आपसमा छलफल, मेलमिलाप र कुराकानी गरेर हटाउनुपर्ने बताए ।

सभापति देउवाले कांग्रेसलाई जीवन्त भाइब्रेण्ट डेमोक्रेटिक पार्टी बनाउन सके पार्टीप्रति अझ आकर्षण बढ्दै जाने बताए । उनले समानुपाती समावेश व्यवस्थालाई सबै मिलेर थप बलियो बनाउँदै जानुपर्नेमा जोड दिए ।

सभापति देउवाले आगामी निर्वाचनमा बहुमत ल्याउने गरी अघि बढ्न नेता तथा कार्यकर्तालाई निर्देशन समेत दिए ।

तीन दिनसम्म चल्ने अभिमुखीकरण कार्यक्रममा मुलुकभरका क्षेत्रीय सभापति, क्षेत्रीय प्रशिक्षण प्रतिष्ठान प्रमुख र एउटै निर्वाचन क्षेत्र भएका जिल्लाका सभापति र उपसभापति समेत गरेर ३ सय ३० जनाभन्दा बढी नेता कार्यकर्ताहरू सहभागी छन् ।

सम्बन्धित खबर

सुनको मूल्यमा नयाँ कीर्तिमान

आन्दोलन नरोक्ने अडानमा शिक्षक, सात बुँदे प्रस्ताव तयार

याक पालनका लागि सङ्गठित प्रयास आवश्यक छ: कृषि मन्त्री अधिकारी

निषेधित क्षेत्र तोड्ने राप्रपा नेताहरूको प्रयास, प्रहरीले गर्‍यो माइकिङ

निषेधित क्षेत्र तोड्न दिँदैनौं – एआईजी तामाङ

शिक्षक महासंघद्वारा संस्थागत विद्यालयसमेत बन्द गरी आन्दोलनमा आउन आग्रह