२७ फाल्गुन २०८१, मंगलवार
२०८१ फाल्गुन २७ गते, मंगलवार १०:२८ मा प्रकाशित
इन्टरनेट सेवा प्रदायक सजिलो नेटले चर्चित लोकगायक बद्री पंगेनीलाई आफ्नो आधिकारिक ब्राण्ड एम्बासडरको रूपमा चयन गरेको छ । यस सम्झौतासँगै, सजिलो नेटले देशभरका नेपाली परिवारसँग आफ्नो सम्बन्धलाई अझ प्रगाढ बनाउने विश्वास गरिएको छ ।
नेपाली लोकसंगीत क्षेत्रमा ख्याति कमाएका बद्री पंगेनीले आफ्ना मार्मिक तथा सन्देशमूलक गीतहरूमार्फत लाखौँ दर्शक-श्रोताको मन जित्न सफल भएका छन्। नेपाली साङ्गीतिक तथा लोकजीवनमा गहिरो छाप छोड्न सफल उनी सजिलो नेटको प्रतिनिधित्व गर्न उपयुक्त व्यक्ति हुन्। सजिलो नेट उच्च गतिको भरपर्दो इन्टरनेट सेवा सुलभ मूल्यमा प्रदान गर्ने लक्ष्यका साथ अगाडि बढिरहेको छ।
सजिलो नेटका लागि इन्टरनेट केवल प्रविधिमै सीमित नभएत संस्कृति, परम्परा र जनजीवनलाई जोड्ने एउटा महत्वपूर्ण माध्यम भएको जानकारी दिदै सजिलो नेटका प्रमुख कार्यकारी अधिकृत, सतीश कार्कीले बद्री पंगेनीको संगीतले जस्तै नेपालीहरूबीचको दूरी घटाउँदै सबैलाई सरल, सुलभ तथा सुपथ इन्टरनेट सेवामार्फत जोड्ने प्रयास गरिरहेको बताए ।
यस्तै लोकप्रिय गायक बद्री पंगेनीले इन्टरनेट आजको जीवनशैलीको अभिन्न अङ्ग बनिसकेको अवस्थामा सहज र भरपर्दो इन्टरनेट सेवा उपलब्ध गराउँदै आएको सजिलो नेटसँग ब्राण्डसँग जोडिन पाउँदा निकै खुसी भएको बताए ।
सजिलो नेटले आधुनिक इन्टरनेट सेवा विस्तार गर्दै ग्राहकहरूलाई उच्च गुणस्तरीय, सरल, सुलभ तथा सुपथ इन्टरनेट कनेक्टिभिटी प्रदान गर्ने लक्ष्य राखेको छ। बद्री पंगेनी सँगको सहकार्यले ब्राण्डलाई अझ बलियो बनाउने विश्वास लिइएको छ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
