चिया तथा कफी विकास बोर्ड कार्यकारी निर्देशकमा फाइन्द्र पाण्डे

होमल्याण्ड खबर

२०८१ फाल्गुन २७ गते, मंगलवार १२:२६ मा प्रकाशित

सरकारले नेपाल चिया तथा कफी विकास बोर्डको कार्यकारी निर्देशकमा फाइन्द्र पाण्डेलाई नियुक्त गर्ने निर्णय गरेको छ । सोमबार राति बसेको मन्त्रिपरिषद् बैठकले लमजुङका पाण्डेलाई बोर्डको कार्यकारी निर्देशक नियुक्त गर्ने निर्णय गरेको हो।

कार्यकारी निर्देशक नियुक्त गर्न गठित कृषि तथा पशुपन्छी मन्त्रालयको सिफारिस समितिले सात जनाको सिफारिस गरेको थियो । समितिको १९ असार २०८१ मा भएको निर्णय अनुसार बोर्डमा रिक्त कार्यकारी निर्देशकमा नियुक्तिका लागि दरखास्त स्वीकृत भएका उम्मेदवारको व्यावसायिक कार्ययोजना मागिएको थियो ।

१ पुसमा बसेको सिफारिस समिति बैठकले कार्यकारी निर्देशक उम्मेदवारको व्यावसायिक कार्ययोजना प्रस्तुतीकरण र अन्तर्वार्ता मिति तोकेको थियो ।

समिति सिफारिस अनुसार ८ पुसमा गौरव लुइँटेल, नवराज सापकोटा, फाइन्द्रराज पाण्डे र मनोज बस्नेतको व्यावसायिक कार्ययोजना प्रस्तुतीकरण र अन्तर्वार्ता कृषि मन्त्रालयमा भएको थियो ।त्यस्तै ९ पुसमा राजेन्द्र श्रेष्ठ, रामचन्द्र ढकाल र डा. विष्णुप्रसाद भट्टराईको व्यावसायिक कार्ययोजना प्रस्तुतीकरण र अन्तर्वार्ता भएको थियो ।

सम्बन्धित खबर

सापकोटाविरुद्धको मुद्दा संवैधानिक इजलासमा सुनुवाइ हुँदै

विश्वकै दोस्रो बढी प्रदूषित देशको सूचीमा नेपाल

बढ्यो सुनको मूल्य, कतिमा हुँदैछ कारोवार ?

स्ववियु निर्वाचन : शंकरदेव क्याम्पसमा चुनाव स्थगित

एक लाखबढी ऋणी कालोसूचीमा

सांसद डा. तोसिमा कार्कीले जितिन् मुद्दा