सांसद डा. तोसिमा कार्कीले जितिन् मुद्दा

होमल्याण्ड खबर

२०८१ फाल्गुन २७ गते, मंगलवार १६:४२ मा प्रकाशित

मंगलबार न्यायाधीशहरू डा. मनोजकुमार शर्मा र महेश शर्मा पौडेलको इजलासले कार्कीको उम्मेद्‌वारी खारेज गर्ने आयोगको निर्णयलाई खारेज गरेको  सर्वोच्च अदालतको उपरजिष्ट्रार निराजन पाण्डेले जानकारी दिए।

ललितपुर क्षेत्र नम्बर ३ बाट २०७९ मंसिरमा भएको चुनावमा उम्मेदवार हुँदा कार्कीविरूद्ध निर्वाचन आयोगमा उजुरी परेको थियो।

नेपाल मेडिकल काउन्सिलकी निर्वाचित सदस्य भई लाभ लिइरहेका कार्कीले पदबाट राजीनामा नदिई उम्मेदवारी दिएको भन्दै उम्मेदवारी खारेज भएको थियो। उक्त पद सार्वजनिक पद हो वा होइन भन्ने विषयमा पनि प्रश्न उठेको थियो।

निर्वाचन आयोगले उम्मेदवारी खारेज गरिदिएपछि कार्कीले सर्वोच्चमा रिट दिएकी थिइन्। उक्त रिटमा सर्वोच्च अदालतका न्‍यायाधीश कुमार चुडालको इजलासले अन्तरिम आदेश जारी गरेका थिए।

सम्बन्धित खबर

सापकोटाविरुद्धको मुद्दा संवैधानिक इजलासमा सुनुवाइ हुँदै

विश्वकै दोस्रो बढी प्रदूषित देशको सूचीमा नेपाल

बढ्यो सुनको मूल्य, कतिमा हुँदैछ कारोवार ?

स्ववियु निर्वाचन : शंकरदेव क्याम्पसमा चुनाव स्थगित

एक लाखबढी ऋणी कालोसूचीमा

आफूले सम्बोधन गर्दा प्रधानमन्त्री लगातार अनुपस्थित रहेकोप्रति प्रचण्डको असन्तुष्टि