गरिबी निवारणलाई पहिलो प्राथमिकतामा राख्न प्रधानमन्त्री ओलीको निर्देशन

होमल्याण्ड खबर

२०८१ फाल्गुन ३० गते, शुक्रबार १५:२५ मा प्रकाशित

प्रधानमन्त्री केपी शर्मा ओलीले उत्पादन, उत्पादनकत्व र उद्यमशीलता वृद्धि गरी गरिबी निवारणलाई पहिलो प्राथमिकतामा राख्न राष्ट्रिय योजना आयोगका पदाधिकारीलाई निर्देशन दिएका छन् ।

आयोगको कार्यसम्पादन र भावी कार्यदिशाका विषयमा आज प्रधानमन्त्री तथा मन्त्रिपरिषद्को कार्यालय, सिंहदरबारमा उपाध्यक्षसहित पदाधिकारीसँगको छलफलमा आयोगका अध्यक्षसमेत रहेका प्रधानमन्त्री ओलीले प्रधानमन्त्री ओलीले पूर्वाधार विकासका काम लगभग पूरा हुने चरणमा रहेकाले अब सीप विकास, उद्यमशीलता, रोजगारीका अवसर सृजना, कृषि क्षेत्रका ठुला उत्पादन र लगानी वृद्धि गर्न आग्रह गरेका हुन् ।

“हामीले जनतालाई सबल बनाउने बाटो लिनुपर्छ । सहयोग गरेर मात्रै हुँदैन । उत्पादन र आत्मनिर्भरता बढाउने बाटोमा जानुपर्छ ।”, प्रधानमन्त्री ओलीले भने, “जनतालाई कर्मशील बनाउन प्रेरित गर्नुपर्छ ।

गरिबी घटाउने कामलाई पहिचान गरी मौलिक हकको उपयोग गर्न पाउने आधार तय गर्नुपर्छ । मन्त्रालयहरुलाई उत्पादन र उत्पादकत्व बढाउने ठोस योजना ल्याउन हामीले भन्नुपर्छ । उत्पादकत्व बढेपछि अर्थतन्त्रमा सकारात्मक प्रभाव पर्न थाल्छ ।”

सम्बन्धित खबर

आन्दोलनरत शिक्षकको माग सम्बोधन गर्न जनमतको माग

याक पालनका लागि सङ्गठित प्रयास आवश्यक छ: कृषि मन्त्री अधिकारी

गुणाकर भट्टविरुद्ध सर्वोच्चमा परेको रिट ‘हेर्न नभ्याइने’

राप्रपा अध्यक्ष लिङ्देनसहित ३ जना सिंहदरबारबाट पक्राउ

सिंहदरबार भित्रै रोकिए राप्रपाका शीर्ष नेताहरु

निषेधित क्षेत्र तोड्ने राप्रपा नेताहरूको प्रयास, प्रहरीले गर्‍यो माइकिङ